ސުޕަރ ސްޓަރ އަކްޝޭ ކުމާރުގެ ފިލްމު "ބައްޗަން ޕާންޑޭ" އަންނަ އަހަރު ރިލީޒްކުރަން ނިންމާ ތާރީހް އިއުލާންކޮށްފި އެވެ.
ކުރިން މިދިޔަ އަހަރުގެ ޑިސެމްބަރު މަހު ބެލުންތެރިންނާހަމައަށް އަންނާނެ ކަމަށް ބެލެވުނު މި ފިލްމު މި އަހަރުގެ ޖަނަވަރީމަހު ރިލީޒްކުރަން ލަސްކުރި ނަމަވެސް ކޯވިޑްގެ ބަލިމަޑުކަމުގެ ސަބަބުން މި ފިލްމުގެ ޝޫޓިންގ ރާޖިސްތާންގައި ފެށޭވަރުވީ މިމަހު ކުރީކޮޅު އެވެ.
އަކްޝޭ ސޯޝަލް މީޑިއާއަށް ދޫކޮށްލި ބައްޗަން ޕާންޑޭގެ ފޮޓޯގަނޑާއެކު ބުނެފައިވަނީ ފިލްމު ސަނަމާތަކަށް އަންނާނީ އަންނަ އަހަރުގެ ޖެނުއަރީ 26 ވަނަ ދުވަހު ކަމަށެވެ. އެހެންކަމުން އަކްޝޭ މި ފިލްމު އަޅުވަން ނިންމާފައި މިވަނީ އިންޑިއާގެ ޖުމްހޫރީ ދުވަހާ ގުޅުވާފައެވެ.
His one look is enough! #BachchanPandey releasing on 26th January, 2022! #SajidNadiadwala @farhad_samji @kritisanon @Asli_Jacqueline @ArshadWarsi @NGEMovies pic.twitter.com/ZFiPPJax7R
— Akshay Kumar (@akshaykumar) January 23, 2021
އަކްޝޭގެ 2019 ގެ ފިލްމު "ހައުސްފުލް 4″ ގެ ޑައިރެކްޓަރު ފަރުހާދު ސަމްޖީ ޑައިރެކްޓްކުރާ މި ފިލްމުގައި އަކްޝޭގެ އިތުރުން ކްރިތީ ސެނަން، ޖެކޮލިން ފެރްނާންޑޭޒާއި އަރުޝަދު ވަރުސީ ވެސް ފެނިގެންދާނެއެވެ.
"ބައްޗަން ޕާންޑޭ" އަކީ އަކްޝޭގެ ގާތް އެކުވެރިޔާ އަދި ޕްރޮޑިއުސަރ ސާޖިދް ނަޑިއަޑްވާލާ އާއެކު އޭނާ މަސައްކަތްކުރާ 10 ވަނަ ޕްރޮޖެކްޓެވެ. މީގެ ކުރިން ހައުސް ފުލް ސީރީޒްގެ ފިލްމު ތަކާއި "މުޖްސޭ ޝާދީ ކަރޯގީ" ފަދަ ފިލްމު ތަކަކީ މި ދެއެކުވެރިން އެކުގައި ގެނެސްދީފައިވާ ކާމިޔާބު ފިލްމުތަކެކެވެ.
