އެކްޓަރ ވަރުން ދަވަން އާއި އޭނާގެ ލޯބިވެރިޔާ ނަތާޝާ ދަލާލް މިމަހު 24 ގައި ކައިވެނިކުރުމަށް މިހާރު ވަނީ އެންމެ ފަހުގެ ތައްޔާރީތަށް ވެފައެވެ. ވަރުންގެ ކައިވެނީގެ ޚަބަރު ލިބުމާއިއެކު ޕަޕަރާޒީ ފޮޓޯގްރާފަރުން ވަރުންނަށް ތަހުނިޔާ ކިޔާފައި ވީނަމަވެސް އޭނާ ވަނީ މައުލޫއު އޮޅުވާލާފަ އެވެ.
ސޯޝަލްމީޑިއާގައި ދައުރުވަމުންދާ ވީޑިއޯއެއްގައި ޕަޕަރާޒީގެ ބަޔަކު މަރުހަބާ ކިޔުމުން ވަރުން ރައްދުގައި ބުނެފައިވަނީ "ކީކޭ، ކަލޭ މީހަކާއި އިނީ ހެއްޔޭ" އެވެ. އެއަށްފަހު ފޮޓޯގުރާފަރުން އަނެއްކާވެސް "މިބުނީ ވަރުންގެ ކައިވެނީގެ ވާހަކަ އޭ" ބުނުމުން ވަރުން އެކަމާއި އަޅާނުލައި ބުނެފައިވަނީ "ކައިވެނިކޮށް ދަރިން ވެސް ހޯދީ ހެއްޔޭ" އެވެ. އަދި އެތަނުން އެއް ފޮޓޯގްރާފަރާ ދިމާއަށް ދެވަނަ ކައިވެންޏެއްކުރަނީހޭ އަހާތަންވެސް ފެނިގެންދެއެވެ.
View this post on Instagram
ވަރުން ދަވަން އާއި ނަތާޝާ ދަލާލްގެ ކައިވެނި ސިއްރުކޮށްފައި ވަނިކޮށް ވަރުންގެ ބޭބެ އަނިލް ދަވަން ވަނީ އެދެމީހުން އާދިއްތަ ދުވަހު ކައިވެނިކުރާނެކަމަށް ބުނެ ސިއްރު ފަޅާއަރުވާލާފަ އެވެ.
އެ ދެމީހުންގެ ކައިވެނީގެ ހަފްލާތަށް ކުރިއަށްދަނީ އަލީބާގްގެ "ދަ މޭންޝަން ހައުސް" ގައެވެ. ހަބަރުތައް ލިބޭގޮތުގައި ވަރުންގެ ކައިވެނީގެ ރަސްމިއްޔާތުގައި ބައިވެރިވެވެނީ 50 މީހުންނަށެވެ. އޭގެތެރޭގައި ކަރަން ޖޯހަރް، ޝާހްރުކް ޚާން އަދި ސަލްމާން ޚާން ހިމެނެއެވެ.
