އިންޑިއާގެ ކުރިކެޓް ކެޕްޓަން ވިރާޓް ކޯލީ އައި ފިލްމީ ތަރި އަނުޝްކާ ޝަރްމާގެ އަންހެން ދަރިފުޅު އުފަންވެފައިވަނީ މިއަހަރުގެ ޖަނަވަރީ މަހުގެ 11 ވަނަ ދުވަހުއެވެ.
އެއާއެކު މުޅި ސޯޝަލް މީޑިއާ އެކިއެކި މީހުންގެ ތަހުނިޔާގެ މެސެޖު ތަކުން ފުރާލިއެވެ. އެއަށްފަހު އެންމެންގެ ލޮލުގައި އަޅައިގަތީ ވިރާޓަށް މި ލިބުނު އުފަލާއި ގުޅިގެން އޭނާގެ ސޯޝަލް މީޑިއާގެ އެކައުންޓުތަކަށްވެސް ބަދަލު އައިސްފައިވާ ތަނެވެ.
ދަރިފުޅު އުފަންވުމާއެކު ވިރާޓް ކޯލީވަނީ އޭނާގެ އޮފިޝަލް ޓުވިޓާ އެކަންއުންޓުގެ ބަޔޯ ބަދަލުކޮށްފަ އެވެ. މިހާރު ބަޔޯގައި ލިޔެފައިވަނީ "ފަހުރުވެރި ފިރިއަކާއި ބައްޕަ" އެއްކަމަށެވެ.
އަނުޝްކާ އާއި ވިރާޓް ވަނީ އެދެމީހުންގެ ދަރިފުޅުގެ ފޮޓޯ ނުނެގުމަށާއި އެމީހުންގެ ޕްރައިވެސީއަށް އިހްތިރާމް ކުރުމަށް ޕަޕަރާޒީންގެ ކިބައިން އެދިފައެވެ. އެގޮތުން ފޮޓޯ ނުނެގުމަށް އެދި އެދެމީހުންވަނީ ޕަޕަރާޒީންނަށް ހަދިޔާވެސް ފޮނުވާފައެވެ. ނަމަވެސް އެދެމީހުންގެ ސަޕޯޓަރުންވެސް މިހާރު އިންތިޒާރުގައި ތިބީ އެ ދަރިފުޅު ފޮޓޯއަކުން ނަމަވެސް ފެންނާނެ ދުވަހަކަށެވެ.
އަނުޝްކަ އާއި ވިރާޓް ކައިވެނ ިކޮށްފައިވަނީ އިޓަލީގައި ބޭއްވި ވަރަށް ވަރަށް ސިއްރު ހަފްލާއެއް ގައި2017 ވަނަ އަހަރު އެވެ. މި ހަފްލާގައި ބައިވެރިވެފައި ވަނީ ހަމައެކަނަ ދެފަރާތުގެ އާއިލާ އާއި ގާތް ރަހުމަތް ތެރިންނެވެ.
