ޙައްޖާއި ޢުމްރާގެ އަޅުކަމަށް ފުރާ ދިވެހިންނަށް ބޭނުންވާ ބޭހާއި ސިއްޙީ ސާމާނު، ސީދާ ސްޓޭޓް ފާމަސޫޓިކަލް އެންޑް މެޑިކަލް ސަޕްލައި ކޯޕަރޭޝަން (ސްޓޭޓް ފާމާ) މެދުވެރިކޮށް ހޯދުމަށް، މޯލްޑިވްސް ޙައްޖު ކޯޕަރޭޝަނުން ޝައުޤުވެރިކަން ފާޅުކޮށްފިއެވެ.
ދެ ކުންފުނީގެ އިސްވެރިން ބައިވެރިވެވަޑައިގެން ބޭއްވި މި ބައްދަލުވުމުގައި، ޙައްޖާޖީންގެ ސިއްޙީ ރައްކާތެރިކަން ކަށަވަރުކުރުމަށްޓަކައި، ދެމެހެއްޓެނިވި ގޮތެއްގައި ބޭސް ފޯރުކޮށްދެވޭނެ ހަރުދަނާ އޮނިގަނޑެއް އެކުލަވާލުމާ ގުޅޭގޮތުން ފުޅާ ދާއިރާއެއްގައި މަޝްވަރާ ކުރެވުނެވެ. މީގެ ކުރިން ތަފާތު އެކި ފަރާތްތަކުން ބޭސް ހޯދަމުން އައި އައުމަށް ނިމުމެއް ގެނެސް، އެއް ފުރާޅެއްގެ ދަށުން މި ތަކެތި ފޯރުކޮށްދިނުމަކީ މި މަޝްވަރާތަކުގެ މައިގަނޑު މަޤުޞަދެވެ.
މިކަމާ ގުޅޭގޮތުން ސްޓޭޓް ފާމާއިން ވަނީ، މިއީ ޤައުމީ އިދާރާތަކަށް އެހީތެރިކަން ފޯރުކޮށްދިނުމަށް ލިބިގެންދާ މުހިންމު ފުރުޞަތެއް ކަމަށާއި، މި ބަދަލުގެ ސަބަބުން ޙައްޖު އަދި ޢުމްރާ ދަތުރުތަކުގައި ދިވެހިންނަށް ބޭސް ފޯރުކޮށްދިނުމުގެ ކަންކަން އިތުރަށް އަވަސްވެ، ނިޒާމީ ސިފައެއްގައި ހަރުދަނާވެގެންދާނެ ކަމަށް ފާހަގަކޮށްފައެވެ.
ކޮމެންޓު ފޮނުވާ