ސުޝާންތު ސިންގް ރާޖްޕުތުގެ ކުރީގެ ލޯބިވެރިޔާ އަންކިތާ ލޮކާންޑޭ "މަކަރް ސާންކްރަތީ" ފެސްޓިވަލްގައި ސުޝާންތުގެ ހަނދާން އާކޮށްފި އެވެ.
އަންކިތާއަކީ ފިލްމު އިންޑަސްޓުރީގައި ސުޝާންތުގެ މަރާއި ދެކޮޅަށް އަޑުއުފުލި އަދި ސުޝާންތަށް އިންސާފު ހޯދައިދުނުމަށް އެތަށް މަސައްކަތެއް ކުރި އެއް ތަރިއެވެ. އަންކިތާ އަކީ ކޮންމެ ހާއްސަދުވަހެއްގައި ސުޝާންތުގެ ހަނދާންތައް އާކޮށްލަދޭ ތަރިއެއްވެސް މެއެވެ.
"މަކަރް ސާންކްރަތީ" ފެސްޓިވަލްގެ މުނާސަބަތުގައި، އަންކިތާ އޭނާގެ އިންސްޓާގުރާމުގައި ހިއްސާކޮށްފައިވާ ވީޑިއޯގައި ފެނިގެންދަނީ އަންކިތާ ގުޑި އަރުވާ މަންޒަރެވެ. އަދި ވީޑިއޯގައި ސުޝާންތު ބޮޑުސްކްރީނަށް ނުކުއިތް ފިލްމު "ކައި ޕޯ ޗޭ"ގެ ލަވަ "މަނޖާ"ގެ އަޑު އިވެއެވެ. މި ވީޑިއޯ ހިއްސާކުރަމުން އަންކިތާ ލިޔެފައިވަނީ މި ލަވަ އަޑު އެހުމުން އަދިވެސް އޭނާގެ ގައިން ހީބިހި ނަގައިގެންދާކަމަށާއި ސުޝާންތުގެ ހަނދާންތައް ވަރަށް ގިނަ ކަމަށެވެ. އަދި އެންމެންނަށް މުނާސަބަތުގެ ތަހުނިޔާވެސް ކިޔާފައިވެއެވެ.
I still get goosebumps when I listen to this song .
What a film and what a journey with so many memories @pragyakapoor_ @gattukapoor ❤️
Wishing everyone a very happy makarsankranti #kaipoche ?Shot and edited by @imtanmaykhutal super proud of u Tanmay ? pic.twitter.com/eCupwaVXZj
— Ankita lokhande (@anky1912) January 14, 2021
އަންކިތާ މަޝްހޫރު ވެގެން ގޮސްފައިވަނީ ހިންދީ ޑުރާމާ "ޕަވިތްރަރިޝްތާ" އިންނެވެ. އަދި ބޮލީވުޑް އިން އެންމެ ފުރަތަމަ ފެނިގެންދިޔައީ ފިލްމު "މާނިކަރްނާ" އިން ކަންގަނާ ރަނާވަތާއެކުގަ އެވެ. އެންމެ ފަހުން އަންކިތާ ފެނިގެންގޮސްފައިވަނީ ބޮލީވުޑްގެ ބޮލޮކްބަސްޓާ ފިލްމް "ބާގީ3″ އިން ޓައިގާ ޝްރޮފް އަދި ޝްރަދާ ކަޕޫރާއެކު އެވެ.
