މި އަހަރުގެ ފުރަތަމަ ހަތް މަސް ދުވަހުގެ ތެރޭގައި ހިލޭ އެހީގެ ގޮތުގައި ދައުލަތަށް 434.2 މިލިއަން ރުފިޔާ ލިބިއްޖެ އެވެ.
ފިނޭންސް މިނިސްޓްރީން އާންމުކުރި ސަރުކާރުގެ ހަރަދާއި އާމްދަނީގެ އެންމެ ފަހުގެ ހިސާބުތައް ދައްކާ ގޮތުން، މި މަހުގެ 2ގެ ނިޔަލަށް ލިބުނު މި އަދަދަކީ މިދިޔަ އަހަރުގެ އެ މުއްދަތުގައި ހިލޭ އެހީގެ ގޮތުގައި ލިބުނު 170.6 މިލިއަން ރުފިޔާއަށް ވުރެ 264 މިލިއަން ރުފިޔާ އިތުރު އަދަދެކެވެ. އެއީ %154ގެ ކުރިއެރުމެކެވެ.
މިއަހަރުގެ ބަޖެޓުގައި ހިލޭ އެހީގެ ގޮތުގައި ލިބޭނެ ކަމަށް ލަފާކުރީ 374 މިލިއަން ރުފިޔާ ކަމަށްވާތީ، މިހާތަނަށް ލިބުނު އެހީގެ އަދަދު ވަނީ ލަފާކުރި ވަރަށް ވުރެ ވެސް 60.6 މިލިއަން ރުފިޔާ އިތުރުވެފަ އެވެ.
މުޅި ބަޖެޓަށް ބަލާއިރު، މިއަހަރަށް މަޖިލީހުން ފާސްކުރި 64.2 ބިލިއަން ރުފިޔާގެ ބަޖެޓުގެ ތެރެއިން މިހާތަނަށް 33.6 ބިލިއަން ރުފިޔާ ވަނީ ހަރަދުކޮށްފަ އެވެ. ދައުލަތަށް ލިބުނު އާމްދަނީ އަކީ 22.4 ބިލިއަން ރުފިޔާ ކަމަށްވާތީ، ބަޖެޓް ޑެފިސިޓު މިހާރު 976 މިލިއަން ރުފިޔާއަށް އަރަ އެވެ.
ކޮމެންޓު ފޮނުވާ