އޮސްޓްރޭލިއާ އަތުން ބަލިވެ ތުރުކީގެ ވޯލްޑް ކަޕް ފެށުން ގޯސްވެއްޖެ

ސައުވީސް އަހަރަށް ފަހު ފީފާ ވޯލްޑް ކަޕްގައި ތުރުކީން ކުޅުނު ފުރަތަމަ މެޗުގައި 2-0 އިން އޮސްޓްރޭލިއާ އަތުން އެ ޓީމު ބަލިވެއްޖެ އެވެ.

ކެނަޑާގެ ވެންކޫވާގައި ކުޅުނު މި މެޗަކީ 2002 ވަނަ އަހަރަށް ފަހު ތުރުކީން މި މުބާރާތުގައި ވާދަކުރި ފުރަތަމަ ފަހަރެވެ. އެ ފަހަރު ސެމީ ފައިނަލާ ހަމައަށް ތުރުކީ ދަތުރުކުރި ނަމަވެސް، މި ފަހަރުގެ މުބާރާތުގެ ފުރަތަމަ މެޗުން މިވަނީ ހައިރާންކުރުވަނިވި ގޮތަކަށް ބަލިވެފަ އެވެ. މެޗުގެ 27 ވަނަ މިނިޓްގައި ކައުންޓަ އެޓޭކެއްގެ ބޭނުން ހިފައި އޮސްޓްރޭލިއާ އަށް ލީޑު ނަގައިދިނީ ނެސްޓޯރީ އިރަންކުންޑާ އެވެ.

ހަކަން ޗަނޮނޯލޫ އާއި އާޑާ ގުލާ ފަދަ ހުނަރުވެރި ކުޅުންތެރިންނާ އެކު ތުރުކީން ނުކުމެ ގޯލެއް ޖެހުމަށް ކުރިއަރައި ގިނަ ހަމަލާތަކެއް އުފެއްދި އެވެ. އެހެން ނަމަވެސް އޮސްޓްރޭލިއާގެ ކީޕަރު ޕެޓްރިކް ބީޗް ވަނީ މޮޅު ކުޅުމެއް ދައްކައި އެ ހަމަލާތައް ދިފާއުކޮށްފަ އެވެ. އޮސްޓްރޭލިއާ އަށް މެޗުގެ ތިން ޕޮއިންޓް ޔަގީންކޮށްދިނީ 75 ވަނަ މިނިޓްގައި އޭރިއާ ބޭރުން ފޮނުވާލި ހަމަލާއަކުން ކޯނާ މެޓްކޯލްފޭ ކާމިޔާބުކޮށްދިން ގޯލުންނެވެ.