ޓެކްނިކަލް މައްސަލައަކާ ގުޅިގެން މާލޭގެ މާފަންނު އަވަށުގެ ބައެއް ސަރަހައްދުތަކުން މިރޭވެސް ކަރަންޓުގެ ޚިދުމަތް މެދުކެނޑިއްޖެއެވެ.
ސްޓެލްކޯއިން ހާމަކޮށްފައިވާ ގޮތުގައި މި ކުއްލި މައްސަލަ ދިމާވުމާއެކު އެ ސަރަހައްދުގެ ގިނަ ގޭބިސީތަކަކާއި ވިޔަފާރިތަކަކަށް ވަނީ ކަރަންޓު ނުލިބުމުގެ ދަތިކަން ކުރިމަތިވެފައެވެ. ނަމަވެސް، މި މައްސަލަ ދެނެގަނެ ވީއެންމެ އަވަހަކަށް އަލުން ކަރަންޓު ދިނުމަށްޓަކައި އެ ކުންފުނީގެ ފަންނީ ޓީމުތަކުން މިހާރު އަންނަނީ ހަރަކާތްތެރިވަމުންނެވެ.
މިކަމުގެ ސަބަބުން އާންމު ރައްޔިތުންނަށް ދިމާވެދާނެ ދަތިތަކަށް ސްޓެލްކޯއިން ވަނީ މައާފަށް އެދިފައެވެ. މިރޭ މާފަންނުގެ ބައެއް ހިސާބުތަކުން ކަރަންޓު ކެނޑިފައިވާއިރު، ރޭގެ ވަގުތެއްގައިވެސް މާލޭގެ އެކި ސަރަހައްދުތަކުން ވަނީ ކަރަންޓު ކެނޑުމުގެ މައްސަލަތަކެއް ކުރިމަތިވެފައެވެ.
ކޮމެންޓު ފޮނުވާ