ލޯބިވެރިޔާއާ މައްސަލަޖެހި އައި ރުޅީގައި އަމިއްލަ ސައިކަލު މޫދަށް އެއްލާލައިފި

ލޯބިވެރިޔާއާ ދެމެދު ހިނގި ދެބަސްވުމެއްގައި އައި ރުޅީގައި، މީހަކު އޭނާގެ އަމިއްލަ ސައިކަލު މާލޭގެ ފަޅުތެރެއަށް އެއްލާލައިފިއެވެ.

އެނގިފައިވާ ގޮތުގައި މި ހާދިސާ ހިނގާފައިވަނީ ރޭ ފަތިހު 4:05 ހާއިރު، މާލޭ އެއް ނަންބަރު ފާލަމާ ދިމާލުގައެވެ. މަންޒަރު ދުށް ފަރާތްތަކާ ހަވާލާދީ ރިޕޯޓުކޮށްފައިވާ ގޮތުގައި، ކަޅު ކުލައިގެ އެންމެކްސް ސައިކަލެއްގައި ދުއްވާފައި ދިޔަ އެ މީހާ ތޮށިގަނޑު ކައިރިއަށް ވެއްޓުމާއެކު، އިންތިހާއަށް ރުޅިގަދަވެގެން ސައިކަލުގެ މުއްގަނޑަށް ފެލާލުމަށްފަހު ސްޓާޓުގައި އޮއްވައި ވަނީ މޫދަށް ބޭރުކޮށްލާފައެވެ.

މި ހާދިސާއާ ގުޅިގެން ސައިކަލު މޫދުން ނެގުމުގެ މަސައްކަތް ފުލުހުން ފަށާފައިވާއިރު، މި އަމަލު ހިންގި މީހާ މާލޭ ގަޑިބުރު ކައިރިން މިހާރު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.