މަޝްހޫރު ބަތަލާ އަނުޝްކާ ޝަރްމާ އަދި ކްރިކެޓް ތަރި ވިރާޓް ކޯލީއަށް އިއްޔެ ވަނީ އަންހެން ދަރިއަކު ލިބިފައެވެ. ދަރިފުޅު އުފަންވި ހަބަރު ވިރާޓް ދީފައިވަނީ އިންސްޓަގްރާމް ޕޯސްޓަކުންނެވެ.
ޕޯސްޓުގައި ވިރާޓް ލިޔެފައިވަނީ އިއްޔެ އެ ދެމަފިރިންނަށް އަންހެން ދަރިއަކު ލިބިފައި ވާކަމާއި އަނުޝްކާއާއި ދަރިރުޅުގެ ހާލުވެސް ރަނގަޅުކަމަށެވެ.
އެންމެންވެސް އެ ދެމީހުންގެ އަލަތު ދަރިފުޅު ބަލާލަން ކެތްމަދުވެފައިވާއިރު، ވިރާޓްގެ ބޭބެ ވިކާސް ކޯލީ ވަނީ ދަރިފުޅުގެ ފޮޓޯއެއް އިންސްޓާގުރާމުގައި ހިއްސާކޮށްފަ އެވެ. ބޭބީގެ ދެފައި ފެންނަ ފޮޓޯއެއް ހިއްސާކުރަމުން އޭނާވަނީ އުފާފާޅުކޮށްފަ އެވެ.
View this post on Instagram
ހަމައެއާއެކު، ވިރާޓްގެ ދައްތަ ބަވްނާ ކޯލީވެސް ބޭބީގެ ދެފައިގައި އަތް ޖައްސާލައިގެން އިންފޮޓޯއެއް ހިއްސާކުރަމުން ލިޔެފައިވަނީ ބޮޑުދައިތައަކަށް ވުމުން އުފާވާ ކަމަށާއި އަނުޝްކާ އާއި ވިރާޓަށް މަރުހަބާ ކަމަށެވެ. މީގެ އިތުރުން އަނުޝްކާއާއި ވިރާޓަށް ވަނީ ބޮލީވުޑްގެ ތަރިންނާއި ކްރިކެޓްގެ ތަރިންގެ އިތުރުން ގާތް ގިނަބަޔަކު ތަހުނިޔާ ކިޔާފައެވެ.
ދެމަފިރިންނަށް ދަރިއަކު ލިބެންއުޅޭކަން ހާމަކޮށްފައިވަނީ މިދިޔަ އަހަރުގެ އޯގަސްޓުމަހު އަނުޝްކާ ކުރި އިންސްޓަގްރާމް ޕޯސްޓެއްގައެވެ.
