އައްޑޫ ސިޓީ ފޭދޫ ބަނދަރުން ބޭރުގައި އަޅާފައި އޮތް ޑައިވިން ދޯންޏެއްގައި އަލިފާން ރޯވެގެން އެމްއެންޑީއެފުން ހަރަކާތްތެރިވާން ފަށައިފިއެވެ.
ގައުމީ ދިފާއީ ބާރުން މައުލޫމާތު ދޭ ގޮތުގައި، މި ހާދިސާގެ ރިޕޯޓު ލިބުމާއެކު ސަދަން އޭރިއާ ކޮމާންޑްގެ ފަޔާ އެންޑް ރެސްކިއު ޓީމުން އަންނަނީ އަލިފާން ނިއްވުމުގެ މަސައްކަތް ކުރަމުންނެވެ. ސޯޝަލް މީޑިއާގައި މިހާރު އާންމުވެފައިވާ ވީޑިއޯތަކުން ފެންނަ ގޮތުގައި، އެ ދޯނީގައި ވަރަށް ބޮޑަށް ވަނީ ރޯވެފައެވެ. އަދި މުޅި ސަރަހައްދަށް ބޯ ކަޅުދުން ފެތުރިފައިވާ މަންޒަރު ވެސް އެ ވީޑިއޯތަކުން ފެނެއެވެ.
އެހެންނަމަވެސް، އަލިފާން ރޯވި ވަގުތު އެ ދޯނީގައި އެއްވެސް މީހަކު ހުރިކަން ނުވަތަ ނޫންކަން ރަސްމީ އެއްވެސް އިދާރާއަކުން އަދި މިހާތަނަށް ކަށަވަރުކޮށްދީފައެއް ނުވެއެވެ. މިއީ ކިހިނެއް ހިނގި ހާދިސާއެއް ކަމެއްވެސް އަދި ސާފެއް ނުވެއެވެ.
ކޮމެންޓު ފޮނުވާ