ސޯޝަލް މީޑިއާގައި އިސްލާމްދީނަށް ފުރައްސާރަކޮށް، ދީނީ ގޮތުން ޚިލާފު އުފެދޭ ވާހަކަ ފަތުރަމުންދާ ކަމުގެ ތުހުމަތުގައި ނ. ކުޑަފަރީ މީހަކު ތަހުގީގަށް ހާޒިރުވާން ފުލުހުން އިއުލާނުކޮށްފިއެވެ.
ފުލުހުން ހޯދަމުންދަނީ ނ. ކުޑަފަރި، ހިޔަލީގެ، ޢުމުރުން 44 އަހަރުގެ ޙުސައިން ޔޫސުފެވެ. އޭނާ ހޯދަމުންދަނީ ޓިކްޓޮކް މެދުވެރިކޮށް އިސްލާމްދީނުގެ އަސްލުތަކާ ޚިލާފު ދޮގު މައުލޫމާތު ފަތުރައި، ރައްޔިތުންގެ މެދުގައި ބައިބައިވުން އުފެއްދުމަށް މަސައްކަތްކުރާ ކަމަށް ތުހުމަތުކުރެވޭ މައްސަލައެއްގައެވެ. އޭނާ އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމުގެ ޗިޓު ރައްދުކުރެވިފައިނުވާތީ، ފުލުހުން ވަނީ ޖިނާއީ އިޖުރާއަތުގެ ގަވާއިދުގެ ދަށުން އޭނާ ހާޒިރުވުމަށް ޢާންމުކޮށް އަންގާ އިއުލާނުކޮށްފައެވެ.
ރާއްޖެއިން ބޭރުގައި ދިރިއުޅެމުންދާ ޙުސައިން ގެންދަނީ އިސްލާމްދީނަށް މަލާމާތްކޮށް، އޭނާއަށް ވަޙީ ބާވައިލައްވާކަމަށް ބުނެ ޓިކްޓޮކްގައި ވީޑިއޯތައް އާންމުކުރަމުންނެވެ. މި ވީޑިއޯތަކުގައި އިސްލާމްދީނަށް ތައުހީނުވާގޮތަށް ވާހަކަދައްކާފައިވާއިރު، މިކަމާ ގުޅިގެން ގިނަ ބައެއްގެ ފާޑުކިޔުން އަމާޒުވެ، އޭނާއާ މެދު ޤާނޫނީ ފިޔަވަޅު އެޅުމަށް އާންމުން ދަނީ ގޮވާލަމުންނެވެ.
ކޮމެންޓު ފޮނުވާ