އެމެރިކާގެ ރައީސް ޑޮނަލްޑް ޓްރަމްޕް ވަނީ ކޮލަމްބިއާގެ ސަރުކާރުވެސް ވެނެޒުއޭލާގެ ސަރުކާރު ފަދައިން ވައްޓާލުމުގެ އިންޒާރު ދީ، ކުއުބާގެ ވެރިކަން އޭގެ ޒާތުގައި ވެއްޓިގެންދާނެކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ. ވެނެޒުއޭލާގެ ރައީސް ނިކޮލަސް މަޑޫރޯ ހައްޔަރުކޮށް މިހާރު ނިއުޔޯކްގެ ޖަލެއްގައި ބަންދުކުރުމަށްފަހު، ކޮލަމްބިއާގެ ރައީސް ގުސްޓާވޯ ޕެޓްރޯއަށް ވެސް ވަރަށް ބާރުގަދަ އިންޒާރެއް ޓްރަމްޕް ވަނީ ދީފައެވެ.
އެއާފޯސް ވަންގައި ނޫސްވެރިންނާ ވާހަކަދައްކަމުން ޓްރަމްޕް ބުނީ ކޮލަމްބިއާއަކީ ކޮކެއިން އުފާއްދައި އެމެރިކާއަށް ވިއްކާ ބަލި ބޭފުޅަކު ހިންގާ ގައުމެއް ކަމަށާއި، އެ މަސައްކަތް ދެން ގިނަ ދުވަހަކަށް ކުރިއަށް ނުގެންދެވޭނެ ކަމަށެވެ. ކޮލަމްބިއާގައި އޮޕަރޭޝަނެއް ހިންގަން ބޭނުންވޭތޯ ސުވާލު ކުރުމުން، އެއީ ރަނގަޅު ކަމެއް ކަމަށް ޓްރަމްޕް ވަނީ ބުނެފައެވެ.
އެމެރިކާގެ ރައީސް ވަނީ ކިއުބާއާ ބެހޭ ގޮތުންވެސް ވާހަކަދައްކައިފައެވެ. އޭނާ ވިދާޅުވީ ކިއުބާގެ ސަރުކާރު ވަރަށް އަވަހަށް ވެއްޓޭނެ ކަމަށް ބެލެވޭ ކަމަށެވެ. ވެނެޒުއޭލާގެ ތެލުން ލިބޭ އާމްދަނީ މިހާރު ކެނޑިގެން ދިއުމުން ކިއުބާ އޮތީ ވަރަށް ބަލިކަށިވެފައި ކަމަށާއި، ކިއުބާގެ ސަރުކާރު ވެއްޓުނީމަ އެމެރިކާގައި ދިރިއުޅޭ ކިއުބާ މީހުން ވަރަށް އުފާވާނެ ކަމަށް ޓްރަމްޕް ވިދާޅުވިއެވެ.
ކޮމެންޓު ފޮނުވާ