ކުޑަކުދިންތަކަކަށް ޖިންސީ ގޯނާ ކުރިކަމުގެ ކުށުގެ ތުހުމަތުގައި ހައްޔަރުކޮށްފައިވާ ސަނީ އުމަރު ޝަރީއަތް ނިމެންދެން ބަންދުކުރަން ކްރިމިނަލް ކޯޓުން މިއަދު އަމުރުކޮށްފިއެވެ. މި އަމުރު ނެރުނީ ޕްރޮސިކިއުޓާ ޖެނެރަލްގެ އޮފީހުން އެދިގެންނެވެ. މީގެ ކުރިން މިދިޔަ ޑިސެމްބަރު މަހުގެ ތިންވަނަ ދުވަހު އޭނާގެ ބަންދަށް 30 ދުވަސް ކޯޓުން ޖަހާފައިވެއެވެ.
ދަ ޓްރެވެލް ގައިސް ޕްރައިވެޓް ލިމިޓެޑްގައި އިސްކޮށް އުޅުނު ސަނީ ހައްޔަރުކުރީ މިދިޔަ މަހުގެ ކުރީކޮޅު ކޯޓު އަމުރެއްގެ ދަށުންނެވެ. ކުޑަކުދިންތަކަކާ ބެހުނު މައްސަލަ ސޯޝަލް މީޑިއާގައި ދެކެވެން ފެށުމުން ފުލުހުންގެ ސަމާލުކަމަށް އައުމާ ގުޅިގެން ފުލުހުން މި މައްސަލަ ބަލަން ފެށިއެވެ.
އެއްވެސް ފަރާތަކުން ފުރަތަމަ އެ މައްސަލަ ރަސްމީކޮށް ރިޕޯޓް ނުކުރިނަމަވެސް، ފަހުން ކުދިންގެ އާއިލާތަކުން ރަސްމީކޮށް މައްސަލަ ރިޕޯޓްކޮށް، ފުލުހުން އަންނަނީ ތަހުގީގު ކުރަމުންނެވެ.
ކޮމެންޓު ފޮނުވާ