ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ މެންބަރުކަމަށް ގ. އާބިން، ޑރ. އާއިޝަތު ރަމީލާ، ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު އައްޔަންކުރައްވައިފި އެވެ. ރައީސް އޮފީހުގައި ބޭއްވި ރަސްމިއްޔާތުގައި ޑރ. ރަމީލާއަށް ހުވާ ލައިދެއްވީ ސުޕްރީމް ކޯޓުގެ ފަނޑިޔާރު ޑރ. މުހައްމަދު އިބްރާހީމް އެވެ.
ޑރ. ރަމީލާއަކީ މި ސަރުކާރުގެ ފުރަތަމަ އެގްރިކަލްޗަރ އެންޑް އެނިމަލް ވެލްފެއާ މިނިސްޓަރެވެ. ކެންސަރު ބައްޔަށް ފަރުވާ ހޯއްދެވުމަށް މިދިޔަ އަހަރުގެ ޑިސެމްބަރު މަހު އެ މަގާމުން އިސްތިއުފާ ދެއްވި ޑރ. ރަމީލާ ވަނީ ކުރިން ސްޓޭޓް މިނިސްޓަރ ފޮރ ހެލްތުގެ މަގާމުވެސް ފުރުއްވައިފަ އެވެ. ސޯޝަލް ސައިންސްގެ ދާއިރާއިން 2010 ވަނަ އަހަރު މެލޭޝިއާއިން ޕީއެޗްޑީ ހާސިލްކުރެއްވި ޑރ. ރަމީލާއަށް މިއަދު ވަނީ މެންބަރުކަމުގެ ލިޔުން ހަވާލުކޮށްދެއްވައިފަ އެވެ.
ކޮމެންޓު ފޮނުވާ