ލަންކާއަށް އެރި ތޫފާން "ޑިޓްވާ" އާއި ފެންބޮޑުވުމުގެ ސަބަބުން ހާލުގައި ޖެހުނު މީހުންނަށް އެހީވުމަށް ދިވެހިން އެއްކުރި 800،352 ޑޮލަރު މިއަދު ލަންކާ ސަރުކާރާ ރަސްމީކޮށް ހަވާލުކުރާނެ ކަމަށް ހާރިޖީ ވަޒީރު ޑރ. އަބްދުﷲ ޚަލީލް ވިދާޅުވެއްޖެއެވެ.
ޕީއެސްއެމް އިސްނަގައިގެން ރާއްޖޭގެ 30 އަށް ވުރެ ގިނަ މީޑިއާއާ ގުޅިގެން 29 ގަޑިއިރަށް ކުރިއަށް ގެންދިޔަ "ސިލޯނާއެކު ދިވެހީން" ޓެލެތޯނުގައި އާންމުންނާއި ޖަމިއްޔާތަކާއި ކުންފުނިތަކުން ބައިވެރިވިއެވެ.
މިއަދު ޓީވީއެމް ސްޓޫޑިއޯގައި ވާހަކަ ދައްކަވަމުން ވަޒީރު ވިދާޅުވީ، ޕްރައިވެޓް ސެކްޓާގެ އެހީތެރިކަމާއެކު ރާއްޖެއިން ލަންކާއަށް ފޯރުކޮށްދިން ޖުމްލަ އެހީ 2.3 މިލިއަން ޑޮލަރަށް ވުރެ މައްޗަށް އަރާނެ ކަމަށެވެ. ކުޑަ ގައުމަކަށް ވިޔަސް ބޮޑެތި ގައުމުތަކަށް ވުރެ ރަނގަޅު އެހީތެރިކަމެއް ދިވެހިންނަށް ފޯރުކޮށްދެވިފައިވާ ކަމަށާއި، މިކަމުން ދިވެހިންގެ ދީލަތިކަން ސާބިތުވެގެން ހިނގައްޖެ ކަމަށް ވަޒީރު ވިދާޅުވިއެވެ.
ކޮމެންޓު ފޮނުވާ