މަޝްހޫރު ނެށުންތެރިޔާ ނޯރާ ފަތޭހީ ކެނެޑާއިން އިންޑިއާއަށް އައީ އަމިއްލަ މަސައްކަތުން ރީތިނަމެއް ހޯދުމުގެ އަޒުމުގައެވެ. އޭރު އޭނާއަށް އިންޑިއާގެ އެކަކުވެސް ނޭނގެއެވެ.
ފުރަތަމަ ދުވަސްކޮޅު ކާސްޓިން ޑައިރެކްޓަރަކާއެކު ދިމާވި ހާދިސާއަކުން ނޯރާ ވަނީ އިންޑިއާ ދޫކޮށްފައި ދާން ވެސް ވިސްނާފައެވެ.
ކަރީނާ ކަޕޫރު ޚާންގެ ޗެޓް ޝޯވ "ވަޓް ވުމެން ވޯންޓް" ގައި ނޯރާ ބުނެފައިވަނީ އިންޑިއާއަށް އައިތާ ކުރީކޮޅު، އެއްފަހަރަކު ކާސްޓިން ޑައިރެކްޓަރެއް ނޯރާއަށް ދައުވަތު ދިނީ އޭނާއާ ދިމާއަށް ހަޅޭއްލަވާފައި ޓެލެންޓެއް ނެތް މީހެއް ކަމަށާއި ތިކަހަލަ އެތަށްބަޔަކު އިންޑަސްޓްރީއަށް އަންނަކަމުގައި ބުނުމަށް ކަމަށެވެ. އަދި މިހެންކަންތައް ދިމާވުމުން ދެރަވެ، އޭނާ އިންޑިއާ ދޫކޮށްފައި ދާންވެސް ހިތަށް އެރިކަމަށެވެ. ނަމަވެސް ނޯރާ އެމީހެއްގެ އަސްލުނަމެއް ނުބުނެއެވެ.
ނޯރާ ބުނިގޮތުގައި އެއީ ކާކުކަމެއްވެސް އޭރުގައި ނޭނގޭ ކަމަށާއި ބޮލީވުޑްގައި އެންމެންވެސް ކަންތައްކުރާނީ އެހެންކަމަށް އޭނާއަށް ހީވިކަމަށެވެ. ނަމަވެސް އެގޮތަށް ކަންތައް ދިމާވުމުން ނޯރާ މިހާރު ހުރި މަޤާމަށް އައުމަށް ވަރަށް ބޮޑު ހިތްވަރެއްލިބުނުކަމަށްވެސް އޭނާ ބުންޏެވެ.
View this post on Instagram
ނޯރާވަނީ ފިލްމު "ސަތްޔަމެެއި ވަޖަޔަތޭ"ގެ އައިޓަމް ލަވަ "ދިލްބަރް" އިން ފެނިގެންގޮސްފައިއެވެ. މީގެ އިތުރުން ނޯރާގެ ލަވަތައްކަމުގައިވާ، ފިލްމު "ސްޓުރީ"ގެ "ކަމަރިޔާ" އަދި "ބަތުލާ ހައުސް"ގެ "އޯ ސާކީ ސާކީ" ފަދަ ލަވަތަކަކީ ބެލުންތެރިންގެ މެދުގައި ވަރަށް ބޮޑު މަޤުބޫލުކަމެއް ހޯދާފައިވާ ލަވަތަކެވެ.
މިއާއެކު ނޯރާވަނީ ފިލްމު "ބާރަތު" އަދި "ސްޓުރީޓް ޑާންސާ 3ޑީ" ގައި އެކްޓުވެސް ކޮށްފައެވެ. ނޯރާ ދެން އެންމެ އަވަހަށް ފެނިގެންދާނީ ފިލްމު "ބުޖް" އިންނެވެ.
