ކަސްޓަމްސް އިން ހިފަހައްޓާފައި ހުރި 40 ފޫޓުގެ 2 ކޮންޓޭނަރު ސިނގިރޭޓު ވަގަށް ނެގުމުގެ މައްސަލައިގައި، އެ ކޮންޓެއިނަރުތައް ގެންދިޔަ ދޯނީގެ ކެޕްޓަންކަން ކޮށްދިން މީހާ ފުލުހުން ހައްޔަރުކޮށްފިއެވެ.
ހައްޔަރުކުރީ ނ. މިލަދޫ، ކެނެރީގެ، އާދަމް ވަހީދު، 54 އެވެ. ކްރިމިނަލް ކޯޓުން އޭނާގެ ބަންދަށް މިއަދު ހަތް ދުވަސް ޖަހައިފައިވާއިރު، އޭނާގެ މައްޗަށް ކުރެވެނީ ޖިނާއީ ބޮޑު ކުށެއްގެ ތުހުމަތެވެ.
މިދިޔަ އެޕްރީލް 26 ގައި ކަސްޓަމްސް އިން ހިފަހައްޓާ، ޕޯޓްސް ލިމިޓެޑާ ހަވާލުކޮށްފައި ހުރި މި ކޮންޓޭނަރުތައް ވަގަށް ނެގުމުގެ މައްސަލައިގައި މިހާތަނަށް 6 މީހަކު ހައްޔަރުކޮށްފައިވެއެވެ. މީގެ ތެރޭގައި އެޕޯލޯގެ ވެރިޔާ މުހައްމަދު ވަހީދު، ލޮޓަސްގެ ވެރިޔާ އަހުމަދު އާރިފް، މިފްކޯގެ ޖެނެރަލް މެނޭޖަރު މުއާޒު އަލީ، ކަސްޓަމްސްގެ ޑިޕާޓްމަންޓެއްގެ އިސްވެރިއެއްކަމުގައި ހުންނަ ޒިވާރު އިސްމާއީލާއި ހަސަން އަބްދުއްރަހްމާން ހިމެނެއެވެ.
ފުލުހުން ހާމަކުރި ގޮތުގައި އޮކްޓޯބަރު 19، 2025 ގައި ތިލަފުށީގެ އެކި ސައިޓުތަކުން ބަލައިލުމުގައި އެ ކޮންޓޭނަރުތަކުގެ ބައިބައި ފެނިފައިވެއެވެ.
ކޮމެންޓު ފޮނުވާ