ލ. އަތޮޅަށް ކުރައްވަމުން ގެންދަވާ ދަތުރުފުޅުގައި ފޮނަދޫ ރައްޔިތުންނާ ބައްދަލުކުރައްވައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވީ ކުރިއަށް އޮތް މަދު ދުވަސްކޮޅު ވެގެންދާނީ ކަންތައްތައް ހަމަޖެހި ރައްޔިތުންގެ އަތްމަތި މުއްސަނދިވާ ދުވަސްތަކަކަށް ކަމަށެވެ. މި ސަރުކާރު ވެރިކަމާއި ހަވާލުވިއިރު އަމިއްލަ މީސްމީހުންގެ ކުންފުނިތަކަށް ދައްކަން ޖެހިފައިހުރި ބިލްތައް ފުނިޖެހިފައި ހުރިކަން ފާހަގަކުރައްވަމުން ރައީސް ވިދާޅުވީ އެ ހުރިހާ ބިލްތަކެއް ކުރިއަށް އޮތް ހަފްތާއެއް ނުވަތަ ދެ ހަފްތާއެއްގެ ތެރޭގައި ފައިސާ ދެއްކޭނެ ކަމުގެ ޔަގީންކަން ހުރިހާ ފަރާތްތަކަށް ދެއްވާކަމަށެވެ.
މިހާރު ވެސް އަމިއްލަ ކުންފުނިތަކަށް ދެ ބިލިއަން ރުފިޔާ ދައްކަން ޖެހިފައިވާ ކަމަށާއި އެ ފައިސާ ދައްކާނީ ފައިސާ ޗާޕު ނުކޮށް ކަމަށް އެމަނިކުފާނު ވިދާޅުވިއެވެ. އިގްތިސާދު ކުރިއަރަމުން އަންނަކަން ފާހަގަކުރައްވަމުން ރައީސް މުއިއްޒު ވިދާޅުވީ ކުރިއަށް އޮތް ދުވަސްތަކުގައި ކޮންސްޓްރަކްޝަން ދާއިރާގެ އެތައް ކުންފުންޏަކަށް ސަރުކާރުގެ މަސައްކަތްތައް ލިބިގެންދާނެ ކަމަށެވެ. އަދި މި ހުރިހާ ކަމެއް ވެސް ގާނޫނާއި ގަވާއިދުގެ ތެރެއިން ހަމަޖައްސަމުންދާ ކަމަށާއި، ރައްޔިތުންގެ އަތްމަތި ތަނަވަސްވާ ދުވަސްތައް އަވަހަށް އައިސްދާނެ ކަމުގެ ޔަގީންކަން އެމަނިކުފާނު ވަނީ ދެއްވާފައެވެ. ލ. އަތޮޅަށް ރައީސް ކުރައްވަމުން ގެންދަވާ މި ދަތުރުފުޅުގައި އެ އަތޮޅުގެ 11 ރަށަކަށް ވަޑައިގަތުމަށް ހަމަޖެހިފައިވެއެވެ.
ކޮމެންޓު ފޮނުވާ