ބ.އަތޮޅުގެ ރިސޯޓެއްގައި 21 އަހަރުގެ ޒުވާނަކު މަރުވެފައިވާ ހާދިސާއެއްގެ ތަހުގީގު ފުލުހުން ކުރިއަށް ގެންދާކަމަށް މައުލޫމާތު ލިބިފައިވެއެވެ. މި ހާދިސާގުޅިގެން އޭނާ މަރުވި ސަބަބު ދެނެގަތުމަށްޓަކައި އޮޓޯޕްސީއެއް ހެދުމަށް ތަހުގީގު ޓީމުން ނިންމައިފައިވާކަމަށް ފުލުހުން މީޑިއާތަކަށް ފޮނުވި މެސެޖެއްގައި ބުނެފައިވެއެވެ.
މިމަހުގެ 23 ވަނަ ދުވަހު ފުލުހުންނަށް ރިޕޯޓްކުރެވުނު މި ހާދިސާގައި އިތުރަށް ބަލަންޖެހޭ ކަންތައްތައް ބެލުމުގެ މަސައްކަތް ކުރިއަށްދާކަމަށް ފުލުހުން ހާމަކޮށްފައިވެއެވެ. އެހެންނަމަވެސް މި ހާދިސާ ހިނގާފައިވަނީ ކޮން ރިސޯޓެއްގައިކަން ނުވަތަ މަރުވި ޒުވާނަކީ ކާކުކަން ފުލުހުން ހާމަކޮށްފައެއް ނުވެއެވެ.
ރާއްޖޭގެ ރިސޯޓްތަކުގައި މިފަދަ ހާދިސާތައް ހިނގުމުން އާންމުކޮށް ފުލުހުން ކުރަނީ ފުރިހަމަ ތަހުގީގެއް ކުރުމަށްފަހު، މެޑިކަލް އެގްޒެމިނޭޝަން ހެދުމުގެ އިތުރުން، ހާދިސާ ހިނގި ތަނާއި ގުޅުންހުރި މީހުންގެ ބަޔާންތައް ނެގުމެވެ.
ކޮމެންޓު ފޮނުވާ