މި ބައްދަލުވުމުގައި މަތިވެރި ކައުންސިލާ ބިން ހަވާލުކުރުމުގެ ލިޔުން ހަވާލުކޮށްދެއްވީ ފަތުރުވެރިކަމާއި ތިމާވެއްޓާބެހޭ ވަޒީރު ޠާރިޤް އިބްރާހިމްއެވެ. އަދި ކައުންސިލުން އެ ލިޔުމާއި ހަވާލުވެވަޑައިގަތީ ކައުންސިލްގެ ރައީސް އަޙްމަދު އަޞްލަމްއެވެ.
މަތިވެރި ޓޫރިޒަމް ޒޯނުން ދޫކޮށްފައިވާ މި ބިމުގައި މިހާރު ގެންދަނީ ކާސާމިއާގެ ނަމުގައި 50 ކޮޓަރީގެ ގެސްޓްހައުސްއެއް ހިންގަމުންނެވެ. މި ބިން މަތިވެރި ކައުންސިލާ ހަވާލުކުރުމަކީ އެ ރަށުގެ ރައްޔިތުންނަށް ލިބިގެންދިޔަ ވަރަށް ބޮޑު ކުރިއެރުމެކެވެ.
ފާހަގަކޮށްލެވޭ ކަމަކީ، މިދިޔަ އަހަރުގެ ޑިސެމްބަރުމަހުގެ 9 ވަނަ ދުވަހު ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ އއ.މަތިވެރީގެ ރައްޔިތުންނަށް އެ ބިން ލިބޭނެ ގޮތް ހައްދަވައިދެއްވާނެކަމަށް ވިދާޅުވެފައެވެ. މިއަދު އެ ވަޢުދު ފުއްދަވައިދެއްވާފައިވާކަން ފާހަގަކުރެވެއެވެ.
މި ބިން ކައުންސިލާ ހަވާލުކުރެވުމާއެކު، ކުރިއަށް އޮތް ތަނުގައި މި ބިމުގެ ބޭނުން ރަށުގެ ތަރައްޤީއަށާއި ރައްޔިތުންގެ ލާބައަށް ހިފޭނެ ގޮތްތަކެއް ރޭވިގެންދާނެކަމަށް ބެލެވެއެވެ.
ކޮމެންޓު ފޮނުވާ