ލ. ފޮނަދޫގައި ޕޯޓާއި ބަންކަރިން ޚިދުމަތް ފޯރުކޮށްދޭނެ ފަރާތެއް ހޯދުމަށް އިކޮނޮމިކް މިނިސްޓްރީން ފުރުޞަތު ހުޅުވާލައިފި އެވެ. މި މަޝްރޫޢަށް ޝައުޤުވެރިވާ ފަރާތްތަކުން އެކްސްޕްރެޝަން އޮފް އިންޓްރެސްޓް (އީއޯއައި) ހުށަހެޅުމަށް އަންނަ މަހުގެ 7 ވަނަ ދުވަހާ ހަމައަށް ފުރުޞަތު ދީފައިވާ ކަމަށް އެ މިނިސްޓްރީން ހާމަކުރި އެވެ.
މި މަޝްރޫޢަށް ޝައުޤުވެރިވާ ފަރާތްތަކުން އީއޯއައި ފޮނުވަން ޖެހޭނީ [email protected] އަށް ކަމަށް އިކޮނޮމިކް މިނިސްޓްރީން ބުނެފައިވެ އެވެ.
ފޮނަދޫގައި ޤާއިމުކުރާ ޕޯޓާއި ބަންކަރިން މަޝްރޫޢުގެ ދަށުން ތެޔޮ ރައްކާކުރުމަށް ޚާއްޞަ ތަންތަނާއި، އޮފްޝޯ ނުވަތަ ފްލޯޓިން ޓޭންކުތަކުގެ އިތުރުން މެރިން ސަޕޯޓަށް ބޭނުންވާ ފެސިލިޓީތައް ޤާއިމުކުރަން ޖެހޭނެ އެވެ. މީގެ އިތުރުން، ޕޯޓަށް ޓްރާންސިޓްކުރާ ކަނޑު އުޅަނދުތަކަށް ތެލުގެ ޚިދުމަތް ފޯރުކޮށްދިނުމަށް ބޭނުންވާ އިންތިޒާމުތައް ހަމަޖައްސައި، ޔޫޓިލިޓީސް އާއި ސާވިސް ފެސިލިޓީތައް ވެސް ޤާއިމުކުރުމަކީ މި މަޝްރޫޢުގެ ބައެއް ކަމަށް އިކޮނޮމިކް މިނިސްޓްރީން ފާހަގަކޮށްފައިވެ އެވެ.
ކޮމެންޓު ފޮނުވާ