ތ. ކަނޑޫދޫ ސްކޫލުގައި ދަރިވަރެއްގެ އިނގިލި ބިންދާލި ކަމަށް ތުހުމަތުކުރެވޭ ބިދޭސީ ޓީޗަރަކު ފުލުހުން ހައްޔަރުކޮށް، 24 ގަޑިއިރު ފަހުން ދޫކޮށްލައިފި އެވެ.
މި ހާދިސާ ހިނގާފައިވަނީ އެ ސްކޫލުގެ އިންޑިއާ ޓީޗަރަކު 11 އަހަރުގެ ފިރިހެން ކުއްޖެއްގެ އިނގިލީގައި ހިފައި އަނބުރާލުމުން އިނގިލި ހުޅުން ނައްޓާލި ކަމަށް ބުނެ އެވެ. މި މައްސަލައާ ގުޅިގެން ކޯޓު އަމުރެއްގެ ދަށުން އިއްޔެ އެ ޓީޗަރު ހައްޔަރުކުރި ނަމަވެސް، ބަންދުގެ މުއްދަތު އިތުރުކުރުމަށް ކޯޓަށް ހާޒިރުކުރުމެއް ނެތި އޭނާ ދޫކޮށްލައިފި އެވެ.
އަނިޔާ ލިބުނު ކުއްޖާއަށް އެ އަތޮޅު ވޭމަންޑޫ ސިއްހީ މަރުކަޒުގައި ފަރުވާ ދެވިފައިވާ ކަމަށް ފުލުހުން މަޢުލޫމާތު ދެއްވި އެވެ.
ފުލުހުން ވިދާޅުވި ގޮތުގައި އެ ޓީޗަރު ބަންދުން ދޫކޮށްލީ މައްސަލައިގެ ތަހުގީގަށް ބޭނުންވާ ކަންކަން ފުރިހަމަވެ، އިތުރަށް ބަންދުގައި ބެހެއްޓުމަށް ނުފެންނާތީ އެވެ. އޭނާގެ ބަޔާން ނެގުމުގެ އިތުރުން މައްސަލައިގެ ތަހުގީގު ކުރިއަށް ގެންދާ ކަމަށް ފުލުހުން ހާމަކުރެއްވި އެވެ.
ކޮމެންޓު ފޮނުވާ