ރާއްޖެ، 16 މެއި 2025 – މިނިވަން މުވައްސަސާއެއް ކަމުގައިވާ ބްރޯޑްކާސްޓިން ކޮމިޝަންގެ މެމްބަރު މުހައްމަދު އަބްދުﷲ (މުހަންމާ) ވެރިކަން ކުރާ ޕާޓީ ޕީއެންސީއަށް ގުޅިވަޑައިގެންފިއެވެ.
ޕީއެންސީގެ ޗެއަރޕާރސަން ކަމުގައިވާ ރައީސުލްޖުމްހޫރިއްޔާ ޑރ. މުހައްމަދު މުއިއްޒުއާ ވަނީ ޕާޓީގެ އިގުރާރު ފޯމް ބައްލަވައިގަތްކަމަށް ޕީއެންސީގެ ފަރާތުން ހާމަކުރައްވާފައިވެއެވެ. ޕާޓީއަށް ގުޅިވަޑައިގަތުމަށް ރޭ ބޭއްވި ޚާއްޞަ ހަފްލާގައި މުހަންމާގެ އިތުރުން ކުރީގެ ޕީޕީއެމްގެ ސެނެޓް މެމްބަރުންގެ ތެރެއިން އިތުރު ބޭފުޅުންވެސް ޕީއެންސީއަށް ސޮއިކުރެއްވިއެވެ.
"ރައްޔިތުންގެ ޚިދުމަތުގައި އިތުރަށް މަސައްކަތް ކުރުމަށް ޕީއެންސީގެ ވިސްނުމާއި މަޤްޞަދުތަކަށް ތާއީދުކުރާތީ މިޕާޓީއަށް ގުޅުނީ. ކުރިއަށް އޮތް ތަނުގައި ޕާޓީގެ އަމާޒުތައް ޙާޞިލުކުރުމަށް ގަދައަޅައި މަސައްކަތްކުރާނަން،" މުހަންމާ ވަނީ ވިދާޅުވެފައެވެ.
ބްރޯޑްކާސްޓިން ކޮމިޝަން އޮފް މޯލްޑިވްސް (ބްރޯޑްކޮމް) އަކީ މިނިވަން މުވައްސަސާއެއްގެ ގޮތުގައި ޤާނޫނީ ގޮތުން ހިންގަމުން އަންނަ މުއައްސަސާއެކެވެ. މިއަހަރުގެ ޖެނުއަރީ 16 ގައި ރައްޔިތުންގެ މަޖިލީހުގެ މިނިވަން މުވައްސަސާތަކާބެހޭ ކޮމެޓީން ވަނީ މުހަންމާ ކޮމިޝަންގެ މެމްބަރުކަމަށް އައްޔަންކުރުމަށް 58 މެމްބަރުންގެ ތާއީދާއެކު ފާސްކޮށްފައެވެ.
ޕީޕީއެމް އުވާލުމާ ގުޅިގެން ކުރީގެ އެޕާޓީގެ ސެނެޓް މެމްބަރުންނާއި އެހެނިހެން އިސްވެރިން ޕީއެންސީއަށް ވަދެވަޑައިގަންނަވަމުންދާއިރު، ރައީސް މުއިއްޒުގެ ސަރުކާރުގެ ވަޒީރުންނާއި ބައެއް ވެރިން ވެސް މި ޕާޓީއަށް ގުޅެމުންދާކަން ފާހަގަކުރެވެއެވެ.
ކޮމެންޓު ފޮނުވާ