ރައްޔިތުންގެ މަޖިލީހުގެ ހުޅުދޫ ދާއިރާގެ ކުރީގެ މެންބަރު މުހައްމަދު ޝާހިދު، ޝާޑު އިތުރު ކައިވެންޏެއް ކުރައްވައިފިއެވެ.
ޝާޑު މީގެ ކުރިން ވަނީ 3 ކައިވެންޏެއް ކުރައްވާފަ އެވެ. އޭނާ ތިންވަނައަށް ކައިވެނި ބައްލަވައިގަތީ ކުރީގެ މިނިސްޓަރ އޮފް ޔޫތު އެންޑް ސްޕޯޓްސް އިރުތިޝާމް އާދަމް އާއެވެ. ނަމަވެސް 2018 ވަނަ އަހަރު އެކައިވެނި ވަނީ ރޫޅިފައެވެ.
ޚަބަރު އޮންލައިނަށް މައުލޫމާތު ލިބިފައިވާ ގޮތުގައި ޝާހިދު ކައިވެނި ބައްލަވައިގަތީ އައިޝަތު މުޒްނާ ކިޔާ ކަނބަލަކާއެވެ. އަދި އެއީ ސްޓެލްކޯގެ މަތީ މަގާމެއް އަދާކުރައްވާ ބޭކަނބަލެއްކަންވެސް ޚަބަރު އޮންލައިނަށް ވަނީ މައުލޫމާތު ލިބިފައެވެ. އޭނާ އަދާކުރައްވަނީ ސްޓެލްކޯގެ ބިޒްނަސް ޑިޕާޓްމަންޓްގެ ހެޑްގެ މަގާމެވެ.
ޝާހިދާއި މުޒްނާގެ ކައިވެނި ހަފްލާ ރޭ ބޭއްވީ ހޮޓެލް ޖެންގަ އެވެ. މިނިސްޓަރ އިރުތިޝާމާއި ކުރެއްވި ޝާޑުގެ 3 ވަނަ ކައިވެނީގެ ހަފްލާވެސް ބާއްވާފައި ވަނީ ހޮޓެލް ޖެންގައެވެ.
ނޯޓް: މި ޚަބަރު ފުރަތަމަ ޝާޢިއުކުރިއިރު 3 ވަނަ ކައިވެނި ކަމަށް ޖެހިފައިވަނީ މަޢުލޫމާތުގެ ކުށަކުންނެވެ. މިކަމަށް ކިއުންތެރިންގެ އަރިހުން މަޢާފަށް އެދެމެވެ.
ކޮމެންޓު ފޮނުވާ