މަންޓާ އެއާއިން އީދު ބަންދަށް ދަތުރުތައް އިތުރުކޮށްފި

ކުރިއަށް އޮތް އީދު ބަންދާ ދިމާކޮށް މަންޓާ އެއާއިން ރާއްޖޭގެ ހަތަރު މަންޒިލަކަށް ކުރާ ދަތުރުތައް އިތުރުކޮށްފިއެވެ. މި ކުންފުނިން މިއަދު ހާމަކުރި ގޮތުގައި މާދަމާއިން ފެށިގެން އަންނަ މަހުގެ 6 ވަނަ ދުވަހާ ހަމައަށް އިތުރު ފްލައިޓުތައް އޮޕަރޭޓްކުރާނެއެވެ.

ވެލާނާ އިންޓަނޭޝަނަލް އެއާޕޯޓުން ދަތުރުތައް އިތުރުކުރާ މަންޒިލުތަކުގެ ތެރޭގައި ދ. ކުޑަހުވަދޫ، ބ. ދަރަވަންދޫ، ރ. އިފުރު އަދި ޅ. މަޑިވަރު ހިމެނެއެވެ. މި ދަތުރުތައް އޮޕަރޭޓްކުރާނީ އޭޓީއާރު 72-600 މަތިންދާބޯޓުގައެވެ.

މަންޓާ އެއާއިން ބުނާގޮތުގައި ފަސިންޖަރުންނަށް ކުންފުނީގެ ވެބްސައިޓް ނުވަތަ ބުކިންގ އެޖެންޓުން މެދުވެރިކޮށް ޓިކެޓު ގަނެވޭނެއެވެ. އީދު ސީޒަންގައި ރާއްޖޭގެ އެކި ކަންކޮޅުތަކަށް ދަތުރުފަތުރު ކުރާ މީހުންގެ އަދަދު އިތުރުވުމާ ގުޅިގެން މި ފްލައިޓްތައް އިތުރުކޮށްފައިވާކަމަށް ބެލެވެއެވެ.