2020 ވަނަ އަހަރަކީ ވަރަށް ގިނަ ފިލްމީތަރިން ބަނޑުބޮޑުކަމަށް ސޯޝަލް މީޑިއާގައި އިޢުލާނުކުރި އަހަރެކެވެ. ގިނަ ފިލްމީ ތަރިން ދަނީ 2021 ގައި ވިހެއުމަށް ތައްޔާރުވަމުންނެވެ. އެގޮތުން އާއިލާއަށް އާ މެހެމާނެއް އިތުރުވުމުގެ އުފާފާޅުކުރި ފިލްމީ ތަރިންނަށް ބަލައިލާނަމެވެ.
- ޝިލްޕާ ޝެއްޓީ އަދި ރާޖް ކުންދްރާ
އެކްޓަރ ޝިލްޕާ ޝެއްޓީ އަދި ރާޖް ކުންދްރާ އެމީހުންގެ ދެވަނަ އަދި ހަމައެކަނި އަންހެން ދަރިފުޅު ސަމީޝާ ޝެއްޓީ ލިބޭކަން އިއުލާންކުރީ ލިބިފައިވަނީ މި އަހަރުގެ ފެބްރުއަރީ މަހުގެ 15 ވަނަ ދުވަހުއެވެ.
- ނަތާޝާ ސްޓޭންކޮވިކް އަދި ހަރްދިކް ޕާންޑިއާ
މަޝްހޫރު ކްރިކެޓަރ ހަރްދިކް ޕާންޑިޔާ އަދި މޮޑެލް ނަތާޝާ ސްޓޭންކޮވިކް އެމީހުންގެ ފުރަތަމަ ފިރިހެންދަރިފުޅު އަގަސްތިޔާ އަށް މަރުހަބާކީ ޖުލައި މަހުގެ 30 ވަނަ ދުވަހުއެވެ.
- ތީޖޭ ސިދޫ އަދި ކަރަންވީރު ބޮހޮރާ
ޓީވީ އެކްޓުރެސް ކަރަންވީރު ބޮހޮރާ އަދި ތީޖޭ ސިދޫގެ 3 ވަނަ އަންހެން ދަރިފުޅު އުފަންވެފައިވަނީ ޑިސެމްބަރ 20 ގައެވެ. މީގެ ކުރިން އެދެމީހުންނަށް ވަނީ އަންހެން ޓުވިންސް ދެކުދިން (ބެލާ، ވިއެންނާ) ލިބިފައެވެ.
- އަމްރިތާ ރާއޯ އަދި އާރްޖޭ އަންމޯލް
އެކްޓަރ އަމްރިތާ ރާއޯ އަދި ރާޖް އަށް އެމީހުންގެ ފިރިހެންދަރިފުޅު ވީރް ލިބިފައިވަނީ ނޮވެމްބަރ 1 ގައެވެ. މި ދެމަފިރިން ދަރިއަކު ލިބޭކަން އިއުލާންކުރީވެސް އަމްރިތާގެ ބަނޑަށް 9 މަހުގައެވެ
- އަނުޝްކާ ޝަރްމާ އަދި ވިރާޓް ކޯލީ
އޮގަސްޓު 27 ގައި ބަލިވެ އިންކަމަށް އިއުލާނުކުރި މަޝްހޫރު އެކްޓުރެސް އަނުޝްކާ ޝަރްމާއާއި ކްރިކެޓް ތަރި ވިރާޓް ކޯލީ ދަނީ އެމީހުންގެ ދަރިފުޅު އުފަންވުމުގެ ކުރިން ވާންޖެހޭ އެންމެ ފަހުގެ ތައްޔާރީތައްވަމުންނެވެ. އާ މެހެމާން ދުނިޔެއަށް އުފަންވާނެކަމަށް ބެލެވެނީ މި ޖަނަވަރީ މަހުއެވެ.
- ކަރީނާ ކަޕޫރު ހާން އާއި ސައިފް އަލީ ހާން
ބޮލީވުޑްގެ އެންމެ ލޯބި ޖޯޑުގެ ގޮތުގައި ފާހަގަ ކުރާ ކަރީނާ އާއި ސައިފް އަށް ދެވަނަ ދަރިފުޅު ލިބެން އުޅޭކަން އިންސްޓަގްރާމްގައި އިއުލާން ކުރީ އޯގަސްޓް ގައެވެ. ކަރީނާ ވިހާނެ ކަމަށް ބެލެނީ މިއަހަރުގެ މޭ މަސް ހިސާބުގައެވެ.
