ރައީސް ޑރ. މުޙައްމަދު މުޢިއްޒު، އެންޓި-ކޮރަޕްޝަން ކޮމިޝަން (އޭސީސީ) އަދި އިލެކްޝަންސް ކޮމިޝަން އޮފް ދަ މޯލްޑިވްސް (އީސީއެމް) އަށް އައު އިސްވެރިން އައްޔަންކުރައްވައިފިއެވެ.
އެންޓި-ކޮރަޕްޝަން ޤާނޫނުގެ 7 ވަނަ މާއްދާގެ ދަށުން، ރައީސުލްޖުމްހޫރިއްޔާގެ ނަންފުޅު ހުށަހެޅުއްވުމަށްފަހު ރައްޔިތުންގެ މަޖިލީހުން ފާސްކުރެއްވުމާ ގުޅިގެން، އަބްދުﷲ ނަޝީދު ވަަނީ އޭސީސީގެ ނައިބު ރައީސްކަމަށް އައްޔަންކުރައްވާފައެވެ. މިއަހަރުގެ ޖަނަވަރީމަހު އޭސީސީގެ މެންބަރުކަމަށް އައްޔަންކުރެވުނު އަބްދުﷲ ނަޝީދަކީ 2011 އިން 2015 އަށް ކޮމިޝަންގެ މުހިންމު މަޤާމުތަކެއް ފުރުއްވާފައިވާ ބޭފުޅެކެވެ.
މީގެއިތުރުން، އިލެކްޝަންސް ކޮމިޝަންގެ ޤާނޫނުގެ 7 ވަނަ މާއްދާގެ ދަށުން، ރައީސް މުޙައްމަދު ޒާހިދު އީސީއެމްގެ ރައީސްކަމަށާއި އަބްދުއްރަޙްމާން ޞަލާޙް ރަޝީދު ނައިބު ރައީސްކަމަށް ވަނީ އައްޔަންކުރައްވާފައެވެ. ޒާހިދާއި ރަޝީދު ވަނީ މިއަހަރުގެ ޖަނަވަރީ 26 ވަނަ ދުވަހު އިލެކްޝަންސް ކޮމިޝަންގެ މެންބަރުންގެ ގޮތުގައި އައްޔަންކުރެވިފައެވެ.
ކޮމެންޓު ފޮނުވާ