ވިލުފުށީގެ ކެފޭއަކަށް ސިހުރު ހެދި ކަމަށް ތުހުމަތު ކުރެވޭ މައްސަލައިގައި ހައްޔަރުކުރެވުނު 66 އަހަރުގެ މުޙައްމަދު ޢަބްދުލް ޤާދިރުގެ ބަންދު މުއްދަތު 15 ދުވަހަށް އިތުރުކޮށްފިއެވެ.
ވިލުފުށި، ރޭނިގޭގައި ދިރިއުޅޭ މި ފަރާތް ހައްޔަރު ކުރެވިފައިވަނީ ކޯޓު އަމުރެއްގެ ދަށުންނެވެ. މި މައްސަލައިގެ ރިޕޯޓް ފުލުހުންނަށް ލިބިފައިވަނީ މިދިޔަ ހަފުތާގެ ހޯމަ ދުވަހުގެ ރޭ ދަންވަރުގައެވެ. ރިޕޯޓުގައިވާ ގޮތުން، މި ފަރާތުން ވަނީ ކެފޭއަކަށް ސިހުރު ހަދައި، އެތަނުގެ ކުރިމައްޗަށް އެއްޗެހިތަކެއް އަޅާފައެވެ. ފުލުހުން މިހާރު މި މައްސަލަ ތަހުގީގު ކުރަމުން ގެންދާއިރު، އިތުރު މަޢުލޫމާތެއް ހާމަކޮށްފައެއް ނުވެއެވެ.
ކޮމެންޓު ފޮނުވާ