ތ. އަތޮޅު ވިލުފުށީގައި ހިނގި ސިހުރުގެ މައްސަލައެއްގައި އުމުރުން 66 އަހަރުގެ މީހަކު ބަންދުކޮށްފިއެވެ. މި މައްސަލައިގައި ތުހުމަތުކުރެވެނީ ތ. ވިލުފުށި، ރޭނިގެ/ މުހައްމަދު އަބްދުލް ގާދިރު އަށެވެ. އޭނާގެ މައްޗަށް ތުހުމަތުކުރެވޭ ތުހުމަތަކީ މި މަހުގެ 10 ވަނަ ދުވަހުގެ ރޭ ދަންވަރު 12:05 ހާއިރު އެރަށު ކެފޭއެއްގެ ކުރިމައްޗަށް ސިހުރު ހެދުމުގެ ބޭނުމުގައި އެއްޗެހިތަކެއް އެޅުމެވެ.
މި މައްސަލަ ފުލުހުންނަށް ރިޕޯޓްކުރެވުނީ މީގެ ތިން ދުވަސް ކުރިންނެވެ. މިއަދު ފުލުހުންގެ އޮފިޝަލަކު މައުލޫމާތު ދެއްވި ގޮތުގައި، މުހައްމަދު އަބްދުލް ގާދިރުގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، އޭނާ 15 ދުވަހުގެ މުއްދަތަށް ބަންދުކުރުމަށް ކޯޓުން އަމުރުކޮށްފިއެވެ. މި މައްސަލައިގެ ތަހުގީގު ފުލުހުން ކުރިއަށް ގެންދަވަމުންދާ ކަމަށްވެސް އެ އޮފިޝަލް ވިދާޅުވިއެވެ.
ކޮމެންޓު ފޮނުވާ