ރައީސް ޑރ. މުހައްމަދު މުއިއްޒު ރަށްރަށަށް ކުރައްވަމުން ގެންދަވާ ދަތުރުތަކުގެ މައިގަނޑު މަގުސަދަކީ ރައްޔިތުންނަށް ބޭނުންވާ ކަންތައްތައް އަވަސް މިނެއްގައި ފޯރުކޮށްދީ، އެކަންކަމުގެ ނަތީޖާ ދެއްކުން ކަމަށް އެމަނިކުފާނު ވިދާޅުވެއްޖެއެވެ.
މިއަދު ރ. އަތޮޅަށް ކުރައްވަމުންދާ ދަތުރުފުޅުގައި ވާދޫގެ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ރައީސް މުއިއްޒު ވިދާޅުވީ، ރަށްރަށަށް ކުރައްވާ ދަތުރުތަކުގައި މިނިސްޓަރުން ގެންދަވަނީ ރައްޔިތުންގެ ކަންބޮޑުވުންތައް ސީދާ އެ ދާއިރާއެއްގެ މިނިސްޓަރުންނާ ހިއްސާކުރުމުގެ ފުރުސަތު ރައްޔިތުންނަށް ހޯދައިދިނުމަށް ކަމަށެވެ.
އެމަނިކުފާނު އިތުރަށް ވިދާޅުވީ މި ދަތުރުތަކުގެ މަޤްޞަދަކީ ރައްޔިތުންނަށް ޔަގީންކަން ފޯރުކޮށްދިނުމާއެކު، ކަމާގުޅޭ ވުޒާރާތަކުގެ ވަޒީރުންނާއެކު ރައްޔިތުންގެ ބޭނުންތައް އޮޅުންފިލުވައި، އެކަންކަން ހާސިލުކުރެވޭނެ ގޮތްތައް ސާފުކޮށްދީ، ނަތީޖާ ނެރެދިނުން ކަމުގައެވެ. މި ދަތުރުފުޅުގައި ރ. އަތޮޅުގެ 11 ރަށަކަށް ވަޑައިގަތުމަށް ވަނީ ހަމަޖެހިފައެވެ.
ކޮމެންޓު ފޮނުވާ