ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކާ ގޮތުގައި މިއަހަރުގެ މިހާތަނަށް އެންމެ ގިނަ ފަތުރުވެރިން ރާއްޖެއަށް ޒިޔާރަތްކޮށްފައިވަނީ ރަޝިޔާއިންނެވެ. ޖެނުއަރީ 18 ގެ ނިޔަލަށް ރަޝިޔާއިން 15,077 ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. މިއީ ޖުމްލަ ފަތުރުވެރިންގެ 12.8 އިންސައްތައެވެ.
ދެވަނައަށް އެންމެ ގިނަ ފަތުރުވެރިން އައިސްފައިވަނީ އިޓަލީވިލާތުންނެވެ. އެގައުމުން 12,560 ފަތުރުވެރިން ޒިޔާރަތްކޮށްފައިވެއެވެ. 2024 ވަނަ އަހަރު އެންމެ އިސް ސަފުގައި އޮތް ޗައިނާއިން މިއަހަރު 11,560 ފަތުރުވެރިން ޒިޔާރަތްކޮށް، ތިންވަނަ މަގާމަށް ވަނީ ފައިބާފައެވެ. މިއީ ޖުމްލަ ފަތުރުވެރިންގެ 9.8 އިންސައްތައެވެ.
އިނގިރޭސި ވިލާތުން 10,621 ފަތުރުވެރިންނާއި، ޖަރުމަނުވިލާތުން 7,313 ފަތުރުވެރިންނާއި، އިންޑިއާއިން 5,648 ފަތުރުވެރިން ޒިޔާރަތްކޮށްފައިވެއެވެ. އަދި އެމެރިކާއިން 3,875 ފަތުރުވެރިންނާއި، ފްރާންސްއިން 3,873 ފަތުރުވެރިންނާއި، ކަޒަގިސްތާނުން 2,395 ފަތުރުވެރިންނާއި އަދި ރޫމޭނިއާއިން 2,286 ފަތުރުވެރިން ޒިޔާރަތްކޮށްފައިވެއެވެ.
2025 ވަނަ އަހަރުގެ ޖެނުއަރީ މަހުގެ ފުރަތަމަ 18 ދުވަހުގެ ތެރޭގައި ޖުމްލަ 117,532 ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. މިއީ ވޭތުވެދިޔަ އަހަރުގެ މި މުއްދަތާ އަޅާބަލާއިރު 9.7 އިންސައްތައިގެ ކުރިއެރުމެކެވެ. ޓޫރިޒަމް މިނިސްޓްރީން ބުނާ ގޮތުގައި މި އަހަރުގެ ފަތުރުވެރިކަމުގެ ހައި ސީޒަން ނިމޭއިރު ރާއްޖެ ޒިޔާރަތްކުރި ފަތުރުވެރިންގެ އަދަދު ރެކޯޑު އަދަދަކަށް އަރާނެއެވެ.
