މާލޭ ޑިވެލޮޕްމަންޓް ކޯޕަރޭޝަން (އެޗްޑީސީ) އިން އެ ކުންފުނީގެ ތެރޭގައި ހިންގުނު ހިޔާނާތުގެ އަމަލުތަކާ ގުޅިގެން ވަކިކުރި މުވައްޒަފުންނަށް އަލުން ވަޒީފާ ހަމަޖައްސައިދިނުމަށްފަހު އެ މުވައްޒަފުން ސަސްޕެންޑްކޮށްފިއެވެ.
ހިޔާނާތުގެ މައްސަލައިގައި ވަޒީފާއިން ވަކިކުރެވުނު 15 މުވައްޒަފުންގެ ތެރޭގައި ކުންފުނީގެ އިސް މަގާމުތަކުގައި ތިބި ފަރާތްތައް ހިމެނެއެވެ. މީގެ ތެރޭގައި ޗީފް ފައިނޭންޝަލް އޮފިސަރު އަބްދުﷲ ފާއިދު އަދި ޗީފް ބިޒްނަސް އޮފިސަރާއި މީޑިއާ ޑިޕާޓްމަންޓުގެ ހެޑް އަހުމަދު ޔާމީންވެސް ހިމެނެއެވެ.
އެޗްޑީސީގެ އޮފިޝަލެއްގެ ބަހުން، މިދިޔަ އާދިއްތަ ދުވަހު އަލުން ވަޒީފާ ހަމަޖައްސައިދިން ނަމަވެސް، އެ މުވައްޒަފުންގެ މައްސަލަތައް ބަލައި، އެކި މަރުހަލާގައި އަޅަންޖެހޭ ފިޔަވަޅުތައް އަޅަމުން ގެންދާނެކަމަށް ވިދާޅުވިއެވެ. އަލުން ވަޒީފާ ހަމަޖައްސައިދެވުނު މުވައްޒަފުންނަކީ ހިޔާނާތުގެ އަމަލުތައް ފާޅުވިއިރު ކުންފުނީގެ މެނޭޖިން ޑިރެކްޓަރުގެ މަގާމުގައި ހުންނެވި ފަޒުލް ރަޝީދުގެ ގާތް ބައެއްކަން ފާހަގަކުރެވެއެވެ.
މިހާރުގެ މެނޭޖިން ޑިރެކްޓަރު މައުރޫފް ޖަމީލް މަގާމާ ހަވާލުވެވަޑައިގެން، އެޗްޑީސީގެ ތެރޭގައި ހުރި މައްސަލަތައް ހައްލުކުރުމަށް މަސައްކަތް ކުރައްވަމުން ގެންދަވާކަމަށް ކުންފުނީގެ ބައެއް އޮފިޝަލުން މަޢުލޫމާތު ދެއްވާފައިވެއެވެ.
