ފުލުހުންގެ ޑްރަގް އެންފޯސްމަންޓަށް ލިބުނު މަޢުލޫމާތަކާ ގުޅިގެން ހިޔާ ފްލެޓްގެ އެޕާޓްމަންޓެއްގައި ހިންގި އޮޕަރޭޝަނެއްގައި މަސްތުވާތަކެއްޗާއި ގިނަ އަދަދެއްގެ ފައިސާއާއެކު ހަތަރު މީހަކު ހައްޔަރުކޮށްފިއެވެ.
މިމަހުގެ 23 ވަނަ ދުވަހު ކްރިމިނަލް ކޯޓުގެ އަމުރަކާއެކު ހިޔާ ފްލެޓް H9-20-11 އެޕާޓްމަންޓް ބަލައިފާސްކުރުމުގައި ހައްޔަރުކުރެވުނު މީހުންގެ ތެރޭގައި، ގ. ސެމިޓޯން އިބްރާހީމް ޝަރީފް (40)، ގދ. ކޮލަމާފުށި/ އޯޝަންބްލޫ ޢަބްދުﷲ ޙަސަން (41)، ހދ. ނޭކުރެންދޫ/ އިރުދޭމާގެ ޙުސައިން ރިޔާޒު (33) އަދި ގއ. ދާންދޫ/ ވަލުތެރޭގެ ޢަބްދުﷲ ޖަމީލު (32) ހިމެނެއެވެ.
އެޕާޓްމަންޓް ބަލައިފާސްކުރިއިރު، މަސްތުވާތަކެއްޗާއި، އެތަކެތި ބަންދުކުރުމަށް ބޭނުންކުރާ އާލާތްތަކުގެ އިތުރުން، ގިނަ އަދަދެއްގެ ފައިސާއާއި މޯބައިލް ފޯނު ފެނިފައިވާ ކަމަށް ފުލުހުން މަޢުލޫމާތު ދެއްވައިފައިވެއެވެ. މި މައްސަލަ މިހާރު ދަނީ ތަޙުޤީޤު ކުރެވެމުންނެވެ.
ކޮމެންޓު ފޮނުވާ