އިލެކްޝަންސް ކޮމިޝަނުން މިއަދު ހާމަކުރި ގޮތުގައި، ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އުވާލުމުގެ މަސައްކަތް ރަސްމީކޮށް ފަށައިފިއެވެ. މި ނިންމުން މި ގޮތަށް ނިންމާފައިވަނީ މި މަހުގެ ކުރީކޮޅު ބޭއްވުނު ޕާޓީގެ ސެނެޓް ބައްދަލުވުމުގައެވެ.
އިލެކްޝަންސް ކޮމިޝަނުން އިތުރަށް ހާމަކުރި ގޮތުގައި، މިހާރުން ފެށިގެން ޕީޕީއެމްއަށް ލިބިގެންވަނީ ހަމައެކަނި ޕާޓީ އުވާލުމަށް ކުރަންޖެހޭ އިޖްރާޢަތުތައް ފުރިހަމަކުރުމަށް ކުރަންޖެހޭ މުޢާމަލާތްތައް ކުރުމުގެ އިޚްތިޔާރެވެ. އަދި އެނޫން އެހެން އެއްވެސް ސިޔާސީ ހަރަކާތެއް ހިންގުމުގެ އިޚްތިޔާރެއް އެ ޕާޓީއަށް ލިބިގެން ނުވެއެވެ. އަދި ޕާޓީ އުވާލުމުގެ ކުރިން އެ ޕާޓީއާ ގުޅިގެން ނިންމަންޖެހޭ އެއްވެސް ކަމެއް ވާނަމަ އެކަމެއް ވީ އެންމެ އަވަހަކަށް ނިންމުމަށް އިލެކްޝަންސް ކޮމިޝަނުން އެދިފައިވެއެވެ.
2011 ވަނަ އަހަރު އުފެދުނު ޕީޕީއެމް އުވާލުމަށް މި ނިންމި ނިންމުމަކީ ޕާޓީގެ ސެނެޓް ބައްދަލުވުމުގައި ބައިވެރިވި 42 މެމްބަރުންގެ އިއްތިފާގުން ނިންމި ނިންމުމެކެވެ.
