އިސްލާމްދީން ނައްތާލުމަށް ކާފިރުން ކުރާ މަސައްކަތްތައް ބަލާ، އެކަމަށް ފަރުވާތެރިވެ ސަމާލުވާން ޖެހޭ ކަމުގައި މިއަދުގެ ހުކުރު ޚުޠުބާގައި ވިދާޅުވެއްޖެއެވެ.
"ކީރިތި ޤުރާއާނާމެދު އުފައްދާ ޝުބުހަ" މިމައުޟޫއަށް ޚާއްސަ ކުރެވުނު މިއަދުގެ ހުކުރު ޚުޠުބާގައި ވިދާޅުވީ ދީނުގެ ކަންކަން މޮޅަށް އުނގެނި އަދާވާތްތެރިންގެ ރޭވުންތަކަށް ހޭލައި ތިބެންޖެހޭ ކަމުގައެވެ. އަދި ކާފިރުން މަސައްކަތް ކުރަމުން އަންނަނީ މުސްލިމުން އެމީހުންގެ ދީނާއި ދުރުކުރެވޭތޯ ކަމަށާއި، ނަމަވެސް މުސްލިމުންގެ އަޒުމަކަށް ވާންވާނީ މަރުދުވަހަށް ދާންދެން އިސްލާމް ދީންމަތީ ސާބިތުވެ ތިބުން ކަމުގައި ޚުޠުބާގައި ވިދާޅުވެފައި ވެއެވެ.
އެގޮތުގެ މަތީގައި ސާބިތުވެ ތިބެއްޖެނަމަ އަހަރެމެން މުސްލިމުން މަގުފުރައްދައެއް ނުލެވޭނެއެވެ. އަދި އިސްލާމީ އުންމަތް ބަލިކޮށެއް ނުލެވޭނެއެވެ.
މިއަދުގެ ޚުޠުބާގައި ވިދާޅުވެފައި ވެއެވެ.
ޚުޠުބާގައި އިތުރަށް ވިދާޅުވީ ކީރިތި ގުރުއާނާއި ކީރިތި ރަސޫލާގެ ތާހިރު ސުންނަތުގައި މުސްލިމުން ހިފިވަރަކަށް މުސްލިމުންގެ ކަންތައްތައް މާތް ﷲ އިސްލާހު ކުރައްވާނެ ކަމަށެވެ. އަދި ދެދުނިޔޭގެ އިއްޒަތާއި ޝަރަފް އެކަލާނގެ މުސްލިމުންނަށް ދެއްވާނޭކަންވެސް ޚުޠުބާގައި ބަޔާން ކުރައްވާފައި ވެއެވެ.
ޚުޠުބާގައި ވިދާޅުވީ ކީރިތި ގުރުއާނާއި ކީރިތި ރަސޫލާގެ ސުންނަތާއި ދުރުވީ ވަރަކަށް ބާއްޖަވެރިކަން ގެއްލޭނެކަމަށާއި، އިސްލާމްދީން ދޫކޮށް ކާފިރުކަންމަތީ މަރުގަންނަވާ މީހުން އެމީހުން ކުރި ހިރިހާ އަމަލެއް ބޭކާރުވެގެން ދާނެ ކަމުގައެވެ.
އަދި އެމީހުން ދާއިމަށް ދެމި ތިބެން ޖެހޭނެ ތަނަކީ ނަރަކަ ކަމުގައިވެސް ޚުޠުބާގައި ވިދާޅުވެފައި ވެއެވެ.
