ރާއްޖޭގައި މަސްތުވާތަކެތީގެ ވިޔަފާރިއާއި ބޭނުންކުރުން އިތުރުވަމުންދާތީ، މިކަން ހުއްޓުވުމަށް އިތުރު ފިޔަވަޅުތަކެއް އެޅުމަށް މަސްތުވާތަކެއްޗާބެހޭ ޤާނޫނަށް އިޞްލާޙު ގެނައުމުގެ ބިލެއް ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅައިފިއެވެ.
ގަމު ދާއިރާގެ މެންބަރު ޔޫސުފް ނަޝީދު ހުށަހެޅުއްވި މި ބިލުގައި، މަސްތުވާތަކެތި ކޮންޓްރޯލްކުރުމުގެ އާ ނިޒާމެއް ތަޢާރަފުކުރުމާއެކު، ޤާނޫނު ތަންފީޒުކުރާ އިދާރާތަކަށް އިތުރު ބާރުތަކެއް ދިނުމަށް ވަނީ ހުށަހަޅާފައެވެ. މީގެ އިތުރުން، މަސްތުވާތަކެއްޗަށް ދެވިހިފާފައިވާ މީހުންނަށް ދެވޭ ފަރުވާގެ ނިޒާމު ހަރުދަނާކުރުމާއި، ޑްރަގް ކޯޓުގެ ހިންގުމުގެ އުސޫލުތަކަށް ބަދަލުތަކެއް ގެނައުމަށްވެސް ވަނީ ހުށަހަޅާފައެވެ.
މި ބިލުގައި، މަސްތުވާތަކެއްޗާ ގުޅިގެން ކުށްކޮށްގެން ހޯދާ މުދާ ހިފެހެއްޓުމާއި، އެފަދަ މުދާ ދައުލަތަށް ނެގުމުގެ އުސޫލުތައް މުރާޖަޢާކުރުމަށްވެސް ހިމަނާފައިވެއެވެ. މިއީ ރާއްޖޭގައި އިތުރުވަމުންދާ މަސްތުވާތަކެތީގެ ވިޔަފާރިއާއި ޓްރެފިކިންގ ހުއްޓުވުމަށް އަޅާ މުހިންމު ފިޔަވަޅެއްގެ ގޮތުގައި ފާހަގަކުރެވެއެވެ.
ކޮމެންޓު ފޮނުވާ