މީސްތަކުންގެ ހައްގުތަކަށް ރައްކާތެރި ނުވެއްޖެނަމަ ހެޔޮއަމަލަކު ކުރާނެ އެއްވެސް މަންފާއެއް ނޯންނާނެކަމުގައި މިއަދު ހުކުރު ޚުޠުބާގައި ވިދާޅުވެއްޖެއެވެ.
"ގިޔާމަތް ދުވަސް" މި މައުޟޫއަށް ޚާއްސަ ކުރެވިގެންދިޔަ މިއަދުގެ ހުކުރު ޚުޠުބާގައި ވިދާޅުވީ މިއަދުގެ މުޖުތަމައުގައި މިވަނީ އެކަކު އަނެކަކަށް އިހްތިރާމް ކުރުމާއި އަޅައިލުމާއި އޯގާތެރިވުންފަދަ ކަންކަން ހިތާމަކުރަންޖެހޭ މިންވަރަށް ދަށްވެފައި ކަމުގައެވެ.
މިއަދު ފެންނަނީ އިސްލާމްދީން އަހަރެމެންނަށް ދަސްކޮށްދީފައިވާ ގޮތާއި ޚިލާފަށް އެކަކު އަނެކަކުގެ މައްޗަށް ދޮގުތައް ހަދައި، އީބަބުނެ، އާޑަފުރައްސާރަކޮށް، އޭނާގެ އަބުރު ކަތިލާ މަންޒަރެވެ.
މިއަދުގެ ޚުޠުބާގައި ވިދާޅުވެފައި ވެއެވެ.
ޚުޠުބާގައި އިތުރަށް ވިދާޅުވީ މީސްމީޑިއާގައި ޚަބަރު ފަތުރާ ވަސީލަތްތައް ބޭނުން ކޮށްގެން ﷲ ސުބުހާނަހޫ ވަތައާލާ ހަރާމްކުރެއްވި މިފަދަ ބޮޑެތި ފާފަތަކުން އަރައިގަތުމުގައި ބަޔަކު އަވަދިނެތި އުޅޭއިރު، އެމީހުންނަށް މިކުރެވެނީ ކިހާވަރެއްގެ ނުބައިކަމެއްކަން ހީވެސްނުވާކަހަލަ ކަމުގައެވެ. އަދި ﷲ ސުބުހާނަހޫ ވަތައާލާއަށް ފުރިހަމަ ގޮތުގައި ބިރުވެތިވާނަމަ، މިފަދަ ކަންކަމުން ދުރުހެލިވެ، ރައްކާތެރިވާން ޖެހޭކަމުގައިވެސް މިއަދުގެ ޚުޠުބާގައި ވިދާޅުވެފައި ވެއެވެ.
މުސްލިމް އަޚުންނޭވެ! ޤިޔާމަތްދިވަހިގެ ހިސާބު ބެއްލެވޭނެއެވެ. އަމަލުތައް ވަަޒަން ކުރެވޭނެއެވެ. ރެވިއޮއްޓަރެއްގެ މިންވަރުގެ ހެޔޮކަމެއްވިޔަސް އަދި ނުބައި ކަމެއް ވިޔަސް އެދުވަހުން ގެނެވޭނެއެވެ. އަދި އެއްވެސް މީހަކަށް ﷲ ސުބުހާނަހޫ ވަތައާލާ ބޭއިންސާފެއް ނުކުރައްވާނެއެވެ. އެދުވަހުން ކަނާތައް ފަތް ލިބޭނީ ހެޔޮއަމަލުކޮށް އުޅުނު މީހުންނަށެވެ. އަދި އުރެދުނު މީހުންނަށް ފަތް ލިބޭނީ އެމީހެއްގެ ވާތަށެވެ. ބުއްދިވެރި މީހާއަކީ ތިމާގެ ނަފުސު ހިސާބުކޮށް ވަޒަންކޮށް އަންނަ އޮތް ދުވަހަށް ތައްޔާރުވާ މީހާއެވެ. އަދި ނުކުޅެދުންތެރިއަކީ ހަވާނަފްސަށް ތަބާވެ،، ﷲ ސުބުހާނަހޫ ވަތައާލާގެ ހަޒްރަތުން ފޮނި އުއްމީދުކުރާ މީހާއެވެ.
މިއަދުގެ ޚުޠުބާގައި ވިދާޅުވެފައި ވެއެވެ.
