އެހެން މީހުންނަށް ފާޑުކިޔައި ހަދަމުންދާ ޝައިޚުންނަކީ ކޮންމެ ރިޔާސީ އިންތިޚާބަކާ ދިމާކޮށް ސިޔާސީ މަންފާއަށް ދީނީ ވިސްނުން ބަދަލުކުރާ ޝައިޚުން ކަމުގައި ކްރިމިނަލް ކޯޓުގެ ކުރީގެ އިސް ފަނޑިޔާރު އަހުމަދު ހައިލަމް ވިދާޅުވެއްޖެއެވެ.
އިދިކޮޅު ކޯލިޝަނުން ރޭ ބޭއްވި ޖަލްސާގައި ކުރީގެ ރައީސް އަބްދުﷲ ޔާމީންގެ ހުކުމާއި ގުޅޭގޮތުން އެމަނިކުފާނުގެ ކުރީގެ ނައިބް ރައީސް ޑރ.މުހައްމަދު ޖަމީލު އަހުމަދު ދެއްކެވި ވާހަކަތަކާއި ގުޅިގެން ޝައިޚު ޑރ.އިޔާޒު ވިދާޅުވެފައިވަނީ ރައީސް ޔާމީނަށް ވެރިކަން ކުރަން ފުރުސަތު ލިބި، ލިބުނު ފުރުސަތުގައި ވައްކަން އާންމުކޮށް އަމިއްލަ ބޭބޭފުޅުން ޖަލަށް ލައި ހިންގެވި ވެރިކަމަކީ ވަރަށް ނާތަހުޒީބު ވެރިކަމެއްކަމަށެވެ. އަދި އޭރު ހިނގި ކަންކަމުގެ ހަގީގަތް އޮޅުވާލައި ވާހަކަ ނުދެއްކުމަށް އިޔާޒުވަނީ ޑރ.ޖަމީލަށް ގޮވާލާފައެވެ.
ޤައުމު އިސްލަހު ކުރަން ރައީސް ޔާމީން އަށް ފުރުސަތު ލިބުނީމާ އެކަން ނުކޮށް، މުސްކުޅި ބޭބެއާއި ތިމާއަށް ހެޔޮ އެދޭ އެންމެން ޖަލަށް ލައި، ވައްކަން އާންމުކޮށް، "ބެގް ބްރޯ އޯރ ސްޓީލް: ގެ ސިޔާސަތު ފަތުރަން އުޅުއްވީމަ ވީގޮތް. ހަގީގަތް އޮޅުވާ ނުލައްވައި އެކަން ޤަބޫލުކު ކުރައްވާ ދޮގެއްތޯ؟
– އިޔާޒު ވިދާޅުވިއެވެ.
އިޔާޒުގެ މިވާހަތަކާއި ގުޅިގެން ހައިލް ވަނީ ޤައުމީ އެއްބައިވަންތަ ކަމުގެ ދުވަހެއްގައި ޤައުމު ބައިބައި ކުރަން އުޅޭ ޝައިޚުންނަށް ހެޔޮވިސްނުން ދެއްވާތޯ ދުޢާދަންނަވާފައެވެ. އަދި މިޝައިހުންނަކީ ކޮންމެ ރިޔާސީ އިންތިޚާބަކާ ދިމާކޮށް ސިޔާސީ މަންފާއަށް ދީނީ ވިސްނުން ބަދަލުކުރާ ޝެއިޚުންތައް ކަމުގައި ހައިލަމް ވަނީ ވިދާޅުވެފައެވެ.
ކޮންމެ ރިޔާސީ އިންތިޚާބަކާ ދިމާކޮށް ސިޔާސީ މަންފާއަށް ދީނީ ވިސްނުން ބަދަލުކުރާ ޝެއިޚުންތައް އެހެން މީހުންނަށް މި ފާޑުކިޔަނީ؟
ޤައުމީ އެއްބައިވަންތަކަމުގެ ދުވަހު ޤައުމު ބައިބައިކުރަން އުޅޭ ޝައިޚުންނަށް ހެޔޮވިސްނުން ދެއްވަވާފާނދޭ. އާމީން! https://t.co/1PlWK0MDFD— Ahmed Hailam (@AhmedHailam) December 27, 2020
ސިޔާސީ ބޭފުޅުން ދައްކާ އެކި ވާހަތަކަށް ފަހަކަށް އައިސް ޝައިޚު ޑރ.އިޔާޒު ކިޔަމުންދާ ފާޑިކުންތަކާއި ގުޅިގެން ގިނަ ބައެއްގެ ނުރުހުންވަނީ އިޔާޒަށް އަމާޒުވެފައެވެ. އެގޮތުން ސިޔާސީ މީހުން ދައްކާ ވާހަތަކަށް ޝާއިޚުންގެ ގޮތުގައި ތިއްބެވި ބޭފުޅުން އެވަރަށް ރައްދުދީ ވާހަކަ ދެއްކުމަކީ އެހާ ރަނގަޅު ގޮތެއް ނޫންކަމަށް ބައެއް މީހުން ދަނީ ބުނަމުންނެވެ.
ކޮމެންޓު ފޮނުވާ