ދިވެހި ފުލުހުންގެ ޚިދުމަތުން ބުނެފައިވާ ގޮތުގައި ހުޅުމާލޭގެ ވަން އެވެނިއު އެޕާޓްމެންޓަކަށް މިއަދު ހެނދުނު 6:32 ގައި ވަދެ މުދަލަށް ގެއްލުން ދިން މައްސަލައެއް ތަހުގީގުކުރަމުން އެބަ ގެންދެއެވެ.
ފުލުހުންގެ މަޢުލޫމާތުން އެނގޭ ގޮތުގައި މިފަދަ މައްސަލަތައް މިހާރު ކުރިމަތިވަމުން އަންނަނީ މާލޭގައި ތިބޭ ގްރޫޕްތަކުގެ މެދުގައި އުފެދިފައިވާ މައްސަލަތަކާ ގުޅިގެންނެވެ.
އިއްޔެ ފުލުހުން ބޭއްވި ނޫސްވެރިންގެ ބައްދަލުވުމުގައި ހާމަކުރި ގޮތުން، އަމީނީމަގުގެ ކެފޭ ޑި މާލެއަށް މޫނު ނިވާކޮށްގެން ތިބި ބަޔަކު ވަދެ ގެއްލުންދިން މައްސަލައެއްވެސް މިހާރު ދަނީ ތަހުގީގު ކުރަމުންނެވެ.
މާލެ ސަރަހައްދުގައި ގޭގެއަށް ވަދެ މުދަލަށް ގެއްލުންދޭ މައްސަލަތައް މަދުން ނަމަވެސް ހިނގަމުންދާއިރު، މިދިޔަ މަހު މުދަލަށް ގެއްލުންދިނުމުގެ 68 މައްސަލަ ފުލުހުންނަށް ހުށަހެޅިފައިވެއެވެ.
ކޮމެންޓު ފޮނުވާ