މަސްތުވާތަކެތީގެ މައްސަލައެއްގައި ދެ މީހަކު ހޯދުމަށް އިޢުލާން ކޮށްފި

މޯލްޑިވްސް ޕޮލިސް ސަރވިސްއިން ތަޙުޤީޤު ކުރަމުންދާ މަސްތުވާތަކެތީގެ މައްސަލައެއްގައި ދެ މީހަކު ހޯދުމަށް އިޢުލާން ކޮށްފިއެވެ.

މިގޮތުން ހޯދަން އުޅެނީ ކ.ކާށިދޫ/ފަޒާ މާއިސް މުޙައްމަދު (27އ) އާއި އދ. ކުނބުރުދޫ/މާބަގީޗާގެ ޢާއިޝަތު ނުހާ (24އ) އެވެ. މި ދެމީހުންނަކީވެސް އެމީހުން އުޅޭ ވަކިތަނެއް ނޭނގުމުގެ ސަބަބުން ފުލުހުންގެ ތަޙުޤީޤަށް ހާޒިރުވުމަށް ޗިޓު ރައްދުކުރެވިފައި ނުވާ ދެމީހުންކަމަށް ފުލުހުން މަޢުލޫމާތު ދީފައިވެއެވެ.

ފުލުހުންގެ އިޢުލާނުގައިވާ ގޮތުން މި ދެމީހުން ނޮވެންބަރު 20 ވަނަ ދުވަހުގެ ހެނދުނު 10:00 އަށް ކްރިމިނަލް އިންވެސްޓިގޭޝަން ބިލްޑިންގ އަށް ސާޖަންޓް އާދަމް ޙަލީމް އަށް ހާޒިރުވުމަށް އަންގާފައިވެއެވެ.