އިމިގްރޭޝަން ޑިޕާޓްމަންޓުން ނޮވެމްބަރ 6 ވަނަ ދުވަހު ހިންގި ހާއްސަ އޮޕަރޭޝަނެއްގައި ގަވާއިދާ ހިލާފަށް ރާއްޖޭގައި އުޅެމުންދިޔަ 13 ބިދޭސީން ހައްޔަރުކޮށްފިއެވެ.
ގަވާއިދާ އެއްގޮތަށް ވީސާ ނެތި ރާއްޖޭގައި ދިރިއުޅޭ މީހުން ހޯދައި ހައްޔަރުކުރުމަށް ހިންގުނު މި އޮޕަރޭޝަންގައި ދެ ތަނެއް ރެއިޑްކުރެވުނެވެ. މި ރެއިޑްތަކުގައި ހައްޔަރުކުރެވުނު މީހުންނަކީ ގަވާއިދާ ހިލާފަށް ރާއްޖޭގައި އުޅެމުންދިޔަ ބައެއްކަން އިމިގްރޭޝަނަށް ވަނީ ފާހަގަކުރެވިފައެވެ.
އިމިގްރޭޝަނުން ބުނެފައިވާ ގޮތުން، ހައްޔަރުކުރެވުނު މީހުންގެ މައްޗަށް ވީސާގެ މުއްދަތު ހަމަވުމަށްފަހު ރާއްޖޭގައި ގަވާއިދާ ހިލާފަށް ރާއްޖޭގައި ދިރިއުޅެމުންދިޔަ ބައެއް ކަމުގައެވެ.
އަދި މިހާރު ހެދިފައިވާ ގާނޫނުތަކުގައި ހުރި އުނިކަންތައްތަކުގެ ސަބަބުން ގާނޫނު ތަންފީޒުކުރުމަށް ދަތިތަކާ ކުރިމަތިވަމުންދާ ކަމަށާއި، މިކަމަކީ ރާއްޖޭގައި އިތުރުވަމުންދާ ގޮންޖެހުމެއްކަން އިމިގްރޭޝަނުން ފާހަގަކޮށްފައިވެއެވެ. މި މައްސަލަ ހައްލުކުރުމަށް ކުރެވޭ މަސައްކަތުގެ ތެރެއިން ވޭތުވެދިޔަ އަހަރު 4،000 އަށްވުރެ ގިނަ ބިދޭސީން ވަނީ ޑިޕޯޓުކުރެވިފައެވެ.
އިމިގްރޭޝަންގެ ތަފާސްހިސާބުތަކުން ދައްކާ ގޮތުގައި، މިދިޔަ އަހަރުގެ ނޮވެމްބަރ 17 އިން މި އަހަރުގެ ނޮވެމްބަރ 17 އާ ހަމައަށް ޖުމްލަ 4،054 ގަވާއިދާ ހިލާފު ބިދޭސީން ވަނީ ރާއްޖެއިން ޑިޕޯޓުކުރެވިފައެވެ.
ގަވާއިދާ ހިލާފަށް ރާއްޖޭގައި އުޅުން ހުއްޓުވުމަށާއި ވީސާއާ ގުޅޭ ގަވާއިދުތަކާ އެއްގޮތަށް އަމަލުކުރޭތޯ ބެލުމަށް އިމިގްރޭޝަންގެ ކޮންޓްރޯލްތައް ހަރުދަނާކުރުމުގެ މަސައްކަތް ކުރިއަށްދާކަމަށް އިމިގްރޭޝަނުން ބުނެއެވެ.
