އައްޑޫ ސިޓީ، ހިތަދޫގައި ދެ މީހަކު ފިހާރައަކަށް ވަދެ، އެ ފިހާރައިގައި އިން ސޭޓަށް ބިރު ދައްކައި ފޭރުނު މައްސަލައެއް ފެންމަތިވެއްޖެއެވެ.
ފުލުހުން ބުނީ އިއްޔެ ހިނގި ފޭރުމުގެ އެ ހާދިސާއާ ގުޅިގެން ހައްޔަރުކުރީ ހައްޔަރުކުރީ އުމުރުން 40 އަހަރުގެ ދިވެހި ފިރިހެނަކު ކަމަށެވެ.
ސޭޓަށް ބިރު ދައްކާ މަންޒަރު ފެންނަ ސީސީޓީވީ ފުޓޭޖެއް ސޯޝަލް މީޑިއާގައި ދައުރުވެފައިވާ އިރު، ވީޑިއޯ އިން ފެންނަނީ ދެ މީހަކު ފިހާރައިގެ ތެރޭގައި އުޅޭ ތަނެވެ. އެ ތަނުން އެކަކު ލަޓިބުރިއެއް ފާޑު އެއްޗެއް ހިފައިގެން އައިސް ސޭޓަށް ބިރު ދައްކާ ފޭރޭ މަންޒަރު ފެނެއެވެ. އަދި ދެވަނަ މީހާ އަތުގައި އޮތް ވަޅި ނަގައިގެން ފޭރޭ މަންޒަރު ފެނެއެވެ.
ބެލެވޭ ގޮތުގައި އެ ދެ މީހުން ވެސް ބިރު ދެއްކީ ބިދޭސީ މީހަކަށެވެ.
ވީޑިއޯ އިން ފަހުން ފެންނަ ގޮތުގައި ބިދޭސީ މީހާ ފަހުން ދެ މީހުން ފަހަތުން ދުއްވައިގަންނަ މަންޒަރު ވެސް ފެނެއެވެ.
އެ މީހުން ފޭރުމަށް ފަހު، ނުކުމެގެން ދާއިރު ދަގަނޑުބުރި އޮންނަނީ ފިހާރައިގެ ސޭޓުގެ އަތުގައެވެ.
