ފުވައްމުލަކު ސިޓީގައި ވާލުގެ އާބާދީ އިތުރުވެ، އާންމުންނަށް ދަތިތަކާ ކުރިމަތިވަމުންދާތީ، އެ މައްސަލަ ހައްލުކުރުމަށް ޚާއްޞަ ޕްރޮގްރާމެއް ފަށައިފިއެވެ. މި ޕްރޮގްރާމަކީ އެމްއެންޑީއެފް ސަދަން އޭރިއާ ކޮމާންޑާއި ފުވައްމުލަކު ސިޓީ ކައުންސިލު ގުޅިގެން ކުރިއަށް ގެންދާ މަސައްކަތެކެވެ.
އިއްޔެ ފެށުނު މި ޕްރޮގްރާމުގެ ދަށުން، ކޮންމެ ދުވަހަކު ސިޓީގެ އެކި ސަރަހައްދުތަކުގައި ބަޑި ޖަހައިގެން ވާ މަދުކުރުމުގެ މަސައްކަތް ކުރިއަށް ގެންދާނެ ކަމަށް އެމްއެންޑީއެފްއިން މަޢުލޫމާތު ދީފައިވެއެވެ. މި ޕްރޮގްރާމުގައި ޙަރަކާތްތެރިވަނީ އެމްއެންޑީއެފް ސަދަން އޭރިއާ ކޮމާންޑުގެ ދަށުން ހިނގާ ފުވައްމުލަކު ޕޯސްޓުގައި މަސައްކަތްކުރާ ސިފައިންނެވެ. މި މަސައްކަތުގެ މަޤްޞަދަކީ ވާގެ ސަބަބުން އާންމުންނަށް ކުރިމަތިވެފައިވާ ދަތިތަކަށް ޙައްލެއް ހޯދައިދިނުމެވެ.
