އެމްއޭސީއެލް (މޯލްޑިވްސް އެއާޕޯޓްސް ކޮމްޕެނީ ލިމިޓެޑް) އިން އޭގެ މުވައްޒަފުންނަށް އަހަރީ ބޯނަސްގެ ގޮތުގައި 25,000 ރުފިޔާ ދީފިއެވެ.
މިއީ މިދިޔަ އަހަރުވެސް ދިން އަދަދާ އެއްވަރުގެ އަދަދެކެވެ. މި ފައިސާ ޖަމާކުރެވިފައިވާކަން ކުންފުނީގެ މުވައްޒަފުން ވަނީ ކަށަވަރުކޮށްދީފައެވެ.
އެމްއޭސީއެލްއަކީ 4,000 އަށްވުރެ ގިނަ މުވައްޒަފުން މަސައްކަތްކުރާ، ސަރުކާރު ކުންފުނިތަކުގެ ތެރެއިން މާލީ ގޮތުން އެންމެ ހަރުދަނާ ކުންފުންޏެވެ. މީގެ އިތުރުން، މިއީ ދައުލަތުގެ ބައިތުލްމާލަށް އެންމެ ގިނަ ޑިވިޑެންޑް ދައްކާ ކުންފުނިވެސް މެއެވެ. މިދިޔަ އަހަރު އެމްއޭސީއެލްއަށް އެއް ބިލިއަން ރުފިޔާއަށްވުރެ ގިނަ އާމްދަނީ ލިބުނެވެ.
އަހަރީ ބޯނަހުގެ އިތުރުން، އެމްއޭސީއެލްއިން ކޮންމެ އަހަރަކުވެސް މުވައްޒަފުންގެ ތަރައްޤީއަށް، އެބަހީ އެމީހުންނަށް ތަޢުލީމާއި ތަމްރީނު ދިނުމަށް ބޮޑު އަދަދެއްގެ ފައިސާ ޚަރަދުކުރެއެވެ. މިކަމަކީ ކުންފުނީގެ އިންސާނީ ވަސީލަތްތައް ތަރައްޤީކުރުމަށް ކުރެވޭ މުހިންމު އިންވެސްޓްމަންޓެކެވެ.
