އެއަރ ފްރާންސްގެ ދަތުރުތައް ރާއްޖެއަށް ފަށަނީ

ފްރާންސްގެ ޤައުމީ އެއަރލައިން، އެއަރ ފްރާންސް އިން މި އަންނަ ފިނިމޫސުމުގައި ދިވެހިރާއްޖެއަށް ދަތުރުތައް ކުރުމަށް ރާވާފައިވާ ކަމަށް އިޢުލާނުކޮށްފި އެވެ.

މި އަހަރުގެ ނޮވެމްބަރުން ފެށިގެން އަންނަ އަހަރުގެ މާރޗު މަހާ ހަމައަށް އެއަރލައިނުން 73 ޤައުމެއްގެ 169 މަންޒިލަކަށް ދަތުރުތައް ކުރާނެ އެވެ.

ދަތުރުފަތުރުގެ ދާއިރާގެ ވެބްސައިޓެއްގައިވާ މަޢުލޫމާތުގެ މައްޗަށް ބިނާކޮށް، އެއަރ ފްރާންސްއިން ދިވެހިރާއްޖެއަށް ދަތުރުތައް ކުރާނީ މި އަހަރުގެ ޑިސެމްބަރު 20 އިން ފެށިގެން އަންނަ އަހަރުގެ ޖެނުއަރީ 5 އާ ހަމައަށެވެ. މި މުއްދަތުގައި އެއަރލައިނުން 342 ފަސިންޖަރުންގެ ޖާގަ ހުންނަ ބޯއިންގ އީއާރު300-700 މަތިންދާބޯޓަކުން 4 ދަތުރު ކުރާނެ އެވެ.

ދިވެހިރާއްޖެއަށް އެންމެ ގިނައިން ފަތުރުވެރިން ޒިޔާރަތްކުރާ 10 ޤައުމުގެ ތެރޭގައި ފްރާންސް ހިމެނެ އެވެ. މިހާރު އެ ޤައުމު ވަނީ 8 ވަނަ ގައެވެ.

މިނިސްޓްރީ އޮފް ޓޫރިޒަމްގެ އެންމެ ފަހުގެ ތަފާސްހިސާބުތަކުން ދައްކާގޮތުގައި މި އަހަރު މިހާތަނަށް 40،644 ފަރަންސޭސި ފަތުރުވެރިން ދިވެހިރާއްޖެއަށް ޒިޔާރަތްކޮށްފައިވެ އެވެ. މިއީ 2023 ވަނަ އަހަރު ދިވެހިރާއްޖެއަށް ޒިޔާރަތްކުރި ޖުމުލަ 1.4 މިލިއަން ފަތުރުވެރިންގެ 2.3 އިންސައްތަ އެވެ.