ބައިނަލްއަގުވާމީ ތިމާވެށީގެ ދުވަހާ ގުޅުވައިގެން ރައީސް އިފްތިތާހު ކުރެއްވި ފަސްމިލިއަން ގަސް ޕްރޮގްރާމްގެ ދަށުން ސްޓެލްކޯއިން ކުރިޔަށް ގެންދާ 5 ލައްކަ ގަސް އިންދުމުގެ މަސައްކަތް ތެރެއިން، އދ. ފެންފުށީގައި 500 ގަސް އިންދައިފިއެވެ. ސްޓެލްކޯގެ މެނޭޖިން ޑިރެކްޓަރ ހުސެއިން ފަހުމީ ވަނީ މި މަސައްކަތަށް އދ. ފެންފުށީ ކައުންސިލާއި ރައްޔިތުން ދެއްވި އެއްބާރުލެއްވުމަށް ޝުކުރު އަދާކުރައްވާފައެވެ.
Today, we planted an additional 500 coconut trees on A.Dh. Fenfushi, advancing the initiative led by His Excellency President Mohamed Muizz to plant 5 million trees. Stelco has committed to planting 500,000 trees over the next five years.
With this effort, I sincerely thank the… pic.twitter.com/2lLMwt5y90
— Hussain Fahmy (@HussainFahmy09) September 19, 2024
ސްޓެލްކޯއިން ބުނެފައިވާ ގޮތުގައި 5 ލައްކަ ގަސް އިންދުމުގެ އަމާޒަށް ވާސިލުވުމަށްޓަކައި ކުރިއަށް އޮތް ކޮންމެ މަހެއްގައިވެސް ސްޓެލްކޯއިން ޚިދުމަތް ފޯރުކޮށްދޭ ރަށްރަށުގައި ގަސް އިންދުމުގެ ޕްރޮގްރާމްތައް ކުރިއަށް ގެންދާނެއެވެ. ފަހުމީ ވިދާޅުވި ގޮތުގައި މި ޕްރޮގްރާމްގެ ސަބަބުން ކުންފުނިން އުފައްދާ ކާބަން އޮފްސެޓް ކުރުމުގެ އަމާޒަށްވެސް ވާސިލުވެވޭނެއެވެ. އަދި މިއަހަރު ތެރޭގައި ސްޓެލްކޯއިން ޚިދުމަތްދޭ 33 ރަށުގައި ޖުމްލަ 25,000 ގަސް އިންދުމަކީ ކުންފުނީގެ އަމާޒެކެވެ.
ގަސްތައް އިންދުމަށްފަހު އެ ގަސްތައް ބެލެހެއްޓުމަށްޓަކައި ކޮންމެ ރަށެއްގައިވެސް 'ގްރީން އޭޖެންޓެއް’ގެ ގޮތުގައި ސްޓެލްކޯގެ މުވައްޒަފަކު ހަމަޖައްސާފައި ހުންނާނެއެވެ. މި މަސައްކަތް ކުރިއަށް ގެންދަނީ ރަށްރަށުގެ ކައުންސިލްތަކާ ގުޅިގެންނެވެ.
