ކުޅުދުއްފުށީ ސިޓީގެ ފަޅުތެރޭގައި މަރުވެފައި އޮއްވާ ފެނުނު މީހާގެ ހަށިގަޑު ޕޯސްޓްމޯޓަމް ހެދުމަށް ފުރުވާލަން ހަމަޖެހިފައިވާކަމަށް ފުުހުން ބުނެފިއެވެ.
ފުލުހުން ބުނެފައިވަނީ މީހާގެ މައްސަލައިގައި އިތުރު ތަހުގީގުތައް ކުރިއަށްދާ ކަމަށް ދިވެހި ފުލުހުންގެ ޚިދުމަތުން މަޢުލޫމާތު ދީފައިވެއެވެ.
މިދިޔަ ބުދަ ދުވަހުގެ ހެނދުނު 8:17 ގައި ފުލުހުންނަށް ރިޕޯޓުކުރެވުނު މި ހާދިސާގައި މަރުވެފައި ވަނީ ކުޅުދުއްފުށީ ޑެއިޒީފެހި ގޭގެ 36 އަހަރުގެ މުޙައްމަދު ޙަސަން އެވެ.
ފުލުހުންގެ މަޢުލޫމާތުގައިވާ ގޮތުން، މުޙައްމަދު ޙަސަންގެ ހަށިގަނޑު ހޮސްޕިޓަލަށް ގެންދިޔައިރުވެސް އޭނާ ވަނީ މަރުވެފައެވެ. މި މައްސަލައިގެ ތަޙުޤީޤު ކުރިއަށް ގެންދިއުމަށްޓަކައި، އިތުރަށް ބަލަންޖެހޭ ކަންކަން ބެލުމަށް މުޙައްމަދު ޙަސަންގެ ހަށިގަނޑު ވަނީ މާލެ ގެނެވިފައެވެ.
ފުލުހުންގެ ފަރާތުން އިތުރަށް ހާމަކޮށްފައިވަނީ، މި މައްސަލައިގައި ޕޯސްޓްމޯޓަމް ހެދުމަށްޓަކައި މަރުހޫމުގެ ހަށިގަނޑު ރާއްޖެއިން ބޭރަށް ފޮނުވުމުގެ މަސައްކަތް ކުރަމުންދާ ކަމަށެވެ. ނަމަވެސް، މި މައްސަލައާ ގުޅޭ އިތުރު ތަފްސީލެއް ފުލުހުންގެ ފަރާތުން ހާމަކޮށްފައެއް ނުވެއެވެ.
