ކްރިސްމަސް ދުވަހުގެ ހެދުނު ހެދުނާ، އެމެރިކާގެ އަވަށެއް ކަމުގައިވާ، ނަޝްވިލޭގައި ބާރުގަދަ ގޮވުމެއް ގޮވައިފިއެވެ. މެޓްރޯ ނަޝްވިލާގެ ފުލުހުންގެ ތަރުޖަމާން ވިދާޅުވާ ގޮތުގައި، ބެލެވޭ ގޮތުގައި މިއީ ބަޔަކު ގަސްތުގައި ހިންގާފައިވަ އަމަލެކެވެ.
އެމެރިކާގެ މިއަވަށުގައި ބޮމެއްކަމަށް ބެލެވޭ އެއްޗެއް ގޮވުމާއި ގުޅިގެން ބޭއްވުނު ނިއުސް ކޮންފަރެންސްގައި، ފުލުހުންގެ ތަރުޖަމާނު ޑޮން އާރޮން ވިދާޅުވެފައި ވަނީ، ޝައްކުކުރެވޭ އެއްގަމު އުޅަދެއް ޕާކްކޮށްފައި އޮވެގެން ލިބުނު ފޯންކޯލަކާއި ގުޅިގެން، ނުރައްކާތެރި ގޮވާތަކެތި ނައްތާލާ ޔުނިޓުން، މި އުޅަދު ޕާކް ކޮށްފައިއޮތް ސަރަހައްދަށް ދަތުރު ކުރަމުން ދަނިކޮށް، މި އުޅަދާއި ގުޅުންހުރި ކަމަށް ބެލެވޭ ގޮވުމެއް ވަނީ އެސަރަހައްދުގައި ގޮވާފައެވެ.
"އަހަރުމެންނަށް ގަބޫލު ކުރެވެނީ، މި ގޮވުމަކީ ގަސްތުގައި ހިންގާފައިވާ އަމަލެއް،" އާރޮން ވިދާޅުވިއެވެ.
ނަޝްވިލޭގެ، އަލިފާން ނިއްވާ ޔުނިޓްގެ ތަރުޖަމާން ޖޯސެފް ޕްލެސެންޓް ވިދާޅުވެފައިވަނީ، މިގޮވުން ގޮވާފައިވާ ސަރަހައްދުން 3 މީހަކުވަނީ އަނިޔާވެގެން ހޮސްޕިޓަލަށް ގެންގޮސްފައެވެ. އެހެންނަމަވެސް، އެއްވެސް މީހަކު އަދި އޮތީ ނާޒުކު ހާލަތެއްގައި ނޫންކަމަށްވެސް އޭނާ ވިދާޅުވިއެވެ.
އާރޮން އިތުރަށް ވިދާޅުވި ގޮތުގައި، މިހާދިސާ މިހާރު ދަނީ އެމެރިކާގެ ކަމާގުޅުން ހުރި އެތަކެއް އިދާރާތަކެއް ގުޅިގެން ތަހުގީގު ކުރަމުންނެވެ. މީގެތެރޭގައި، ސަރަހައްދީ ފެންވަރުގެ އިދާރާތަކާއި އަދި އެފްބީއައި ފަދަ ފެޑެރަލް އޭޖެންސީތައްވެސް ހިމެނޭކަމަށް އޭނާ ވިދާޅުވިއެވެ.
ބާރުގަދަ މިގޮވުން ގޮވާފައިވަ ސަރަހައްދާ ކައިރީގައި އޮންނަ ޓެނެއްސީ ހައިވޭ ޕެޓްރޯލް ކުރާ ފަރާތްތަކާއި އަ އަދި އެސަރަހައްދުގެ ފުލުހުން ގުޅިގެން މުޅި ސަރަހައްދު ތަހުގީގަށް މިހާރު ވަނީ ބަންދުކޮށްފައެވެ. އަދި ނަޝްވިލޭއަށް ދުތުރު ކުރެވެން އޮންނަ ސަރަހައްދުތައް މިހާރުވާނީ، ތަހީގު ކުރިޔަށް ގެންދިއުމަށްޓަކާ ބަންދުކޮށްފައި ކަމަށްވެސް ފުލުހުންވަނީ މައުލޫމާތު ދީފައެވެ.
މި ބާރުގަދަ ގޮވުން ލޮލުން ދުށް ބައެއް ފަރާތްތަކުން ބައެއް މީޑިއާތަކަށް މައުލޫމާތު ދީފައިވާ ގޮތުގައި، ގޮވުމުގެ ބާރުގަދަ ކަމުން، ގޮވުން ގޮވި ސަރަހައްދުގައި ހުރި ގެތަކުގެ ބިއްލޫރިތައް ތަޅައިގެން ގޮސްފައި ވެއެވެ.
"އެ މަގުގައި ނެތް ހުޅު ނުހިފާ އެއްވެސް އެއްޗެއް. ގޮވި ސަރައްހައްދު ކައިރީގައި އޮތް 2 ކާރެއްވަނީ އެއްކޮށް ފުޑުފުޑުވެފަ،" މަންޒަރު ލޮލުން ދުށް މީހަކު މީޑިއާތަކަށް މައުލޫމާތު ދެމުން ބުނެފައި ވެއެވެ.
What the heck, 2020?! Massive explosion in downtown Nashville this morning! Shook my entire building. #Nashville pic.twitter.com/NHF5q1GfVP
— Jimmy Hall (@thejimmyhall) December 25, 2020
ނާޝްވިލޭގެ މޭޔަރ ޖޯން ކޫޕަރ މީގެ ކުޑައިރުކޮޅެއް ސީއެންއެންއަށް މައުލޫމާތު ދެމުން ވިދާޅުވެފައި ވަނީ، އެ އަވަށުގައި ބާރުގަދަ ގޮވުމެއް ގޮވާފައިވާ ކަމުގެ މައުލޫމާތު ލިބިފައިވާ ކަމަށާއި، އޭނާ މިހާރު ދަތުރު ކުރަމުންދަނީ އެ ސަރަހައްދަށް ކަމުގައެވެ.
