ތިމަރަފުށި ދާއިރާގެ ކުރީގެ މެމްބަރުން އަބުދުﷲ ރިޔާޒު މިހާރުގެ ރައީސް މުއިއްޒުއަށް އެމްއެމްޕީއާރުސީގެ ޚިޔާނާތުގެ ފައިސާއިން 14 މިލިއަން ރުފިޔާ ލިބުމުގެ މެދުވެރިއެއްގެ ދައުރު އަދާކޮށްފައިވާކަމަށް ބުނެ އިދިކޮޅު ފަރާތްތަކުން ކުރާ ތުހުމަތުތައް އޭނާ ދޮގުކޮށްފިއެވެ.
2018 ވަނަ އަހަރުގެ ރިޔާސީ އިންތިޚާބުގެ ކުރިން، އޭރުގެ އިދިކޮޅު ފަރާތްތާކާ ރައީސް ޔާމިނާ ޖެހުނު މައްސަލާގައި، ސަރުކާރުގެ އެތެރޭގެ ސިއްރުތައް އަހުމަދު އަދީބާހަމައަށް ފޯރުކޮށް ދިނުމުގެ ބަދަލުގައި އަދީބު ރައީސް މުއިއްޒުއަށް 14 މިލިއަން ރުފިޔާ ދިންކަން، އަބުދުﷲ ރިޔާޒުގެ ފޯނުން ފެނުނު މެސެޖްތަކުން އެނގެން ހުރިކަމަށް، މިހާރު ލީކު ކޮށްލާފައިވާކަމަށް ބުނާ ފުލުހުން ރިޕޯޓަކުން އެގެން ހުރިކަމަށް، ރައީސް ޔާމިން ޕީއެންއެފްގެ އެންމެ ފަހުން ދެ ޖަގަހަ ޖަލްސާގައިވެސް ވާހަކަ ދެއްކެވި ބޭފުޅުންވަނީ ވިދާޅުވެފައެވެ. އަދި އެ ޖަލްސާތަކުގައި ދަނީ، ރައީސް މުއިއްޒުއަށް އެމްއެމްޕިއާރުސީގެ ފައިސާ ލިބިވާކަމަށް ބުނެ ތުހުމަތުގެ އިނގިލި ދިއްކުރަމުންނެވެ.
މި ވާހަކަތަކާއި ގުޅޭގޮތުން އަބުދުﷲ ރިޔާޒު މިއަދު ކުރެއްވި އެކްސް ޕޯސްޓެއްގައި ވިދާޅުވީ އެއީ ކަނޑައެޅިގެން ބޮޑުދޮގެއް ކަމުގައެވެ. އަދި 2023 ރިޔާސީ އިންތިޚާބުގެ 2 ވަނަބުރުގެކުރިން ސިޔާސީ އެއްވެސްކަމެއްގަ ރައީސް ޑރ. މުއިއްޒު އާއި ވާހަކަ ދައްކާ މަޝްވަރާކޮށްހަދާފަނުވާނެ ކަމަށްވެސް ރިޔާޒުގެ އެކްސް ޕޯސްޓުގައި ވިދާޅުވެފައި ވެއެވެ.
އަދި 14 މިލިޔަންރުފިޔާއެއްގެ އެއްވެސް މުއާމަލާތެއް ފޯނުން، މެސެޖުން ނުވަތަ އަގަބަހުން ރައީސް ޑރ. މުއިއްޒުއާއި ކޮށްފަނުވާނެ.
ރިޔާޒުގެ އެކްސް ޕޯސްޓުގައި ވިދާޅުވެފައި ވެއެވެ.
ރައީސް ޔާމިންގެ ފްރޮންޓު އޮފީސް ޖަލްސާތަކުގައި ދަނީ ކޮންމެ ރެއަކުވެސް ސަރުކާރުގެ އިސްވެރިންނާއި ގުޅޭގޮތުން ތަފާތު ތުހުމަތުތައް ކުރަމުންނެވެ. އެ ތުހުމަތުތަކަށް ރައްދު ދިނުމުގެ ގޮތުން ވެރިކަން ހިންގާ ޕީއެންސީއިންވެސް ދަނީ އެޕާޓީގެ ހަރުގޭގައި ޖަގަހަ ޖަލްސާތައް ބާއްވަމުންނެވެ.
